طريقة بسيطة لعمل Headpiece للعرائس ، اصنعيها بنفسك

 

تاج العروس من الأكسسوارات المميزة لليلة العمر ولكن من فترة ظهر موديل جديد لاكسسوار طرحة العروس وهو Headpiece ظهر منه أشكال مختلفة ومميزة وبتدي شكل رائع للعروس زي التاج وناس كتير بتفضله عن التاج في موضوع النهاردة هنتعلم مع بعض ازاي نعمل Headpiece بريطة بسيطة ومميزة .

الأدوات التي إستخدمتها :- 

- زرادية ( أداة تساعدنا في قص وتشكيل إكسسوارات المصنوعة من سلك النحاس وفتح وغلق الحلقات و الأقفال )

- بكرة من واير النحاس مرن مقاس ( 0.5 )

- خرز لولي زجاج أبيض مقاس ( 6 مم )

- كره بفصوص ستراس فضي .

- خرز بلاستيك أبيض محقون .

- خرز زجاج دائري شفاف . 

في الفيديو التالي طريقة موضحة لطريقة صنع تلك السلاسل أتمنى أن تنال  إعجابكم .

اصنعيها بنفسك بدلاً من شرائها ،سلاسل بسيطة بأشكال مختلفة

 

صناعة الإكسسوارات ليست دائما من الأمور الصعب صنعها في المنزل بل بالعكس هناك الكثير من الطرق يمكنك من خلالها صناعة اكسسواراتك الخاصة بتكلفة بسيطة وبذوقك الخاص ، ويمكنك أيضا الإستفادة منه كمشروع صغير من المنزل لزيادة الدخل ، سأتحدث في هذا الموضوع عن طريقة بسيطة لصنع سلاسل بأشكال مختلفة ومرفق في نهاية الموضوع فيديو به شرح مبسط لطريقة الصنع .

الأدوات التي إستخدمتها في السلسلة الأولى :- 

- زرادية ( أداة تساعدنا في قص وتشكيل إكسسوارات المصنوعة من سلك النحاس وفتح وغلق الحلقات و الأقفال )

- حلقات ( زرد ) .

- مسامير خاصة بالاكسسوارات .

- متر أو مسطرة طويلة لقياس طول السلسة. 

- أقفال خاصة بالإكسسوارات.

- خرز باللون البنفسجي .

- دلاية كبيرة على شكل عملة معدنية . 

 

الأدوات المستخدمة في السلسلة الثانية :- 

- زرادية .

- حلقات ( زرد ) .

- قفل . 

- متر أو مسطرة طويلة لقياس طول السلسة .

- دلاية على شكل بومة .

- مسامير خاصة بالاكسسوارات .

- خرز تفسيرة زجاجي باللون الأزرق .  

في الفيديو التالي طريقة موضحة لطريقة صنع تلك السلاسل أتمنى أن تنال  إعجابكم .

طريقة عمل السوبيا البودرة بالكريم شانتيه

 

السوبيا من المشروبات الرمضانية المنعشة وتتميز بطعمها اللذيذ وقيمتها الغذائية ، تقدروا تعملوها بكل سهولة ومش هتحتاجوا للسوبيا الجاهزة بعد كده .

مكونات ومقادير السوبيا :-

- كوب من الحليب البودر .

- كوب من السكر البودر .

-كوب من جوز الهند المطحون يكون ناعم .

- كوب من الكريم شانتيه ( كريمة الخفق البودر ).

- ملعقة كبيرة من الفانيليا. 

- ملعقتين كبار من بودرة السحلب حسب الرغبة .

- حليب .

طريقة التحضير :- 

إذا كان جوز الهند المتوفر لديكم مبشور بشر ناعم وليس في هيئة البودر يمكنكم طحنه في مطحنة الخلاط ويضاف إليه ملعقة كبيرة غير ممتلئة من النشا لتمتص الرطوبة منه وتساعد على طحن جوز الهند طحن ناعم ، بعد ذلك نخلط جميع المكونات مع بعضها البعض ونقلبهم جيدا في وعاء عميق ، إذا توفر لديكم بودرة السحلب يفضل استخدامه فهو يعطي مذاق أطيب للسوبيا إذا كان السحلب يحتوي على المكسرات والسمسم يجب أن تقوموا بنقله أولا قبل استخدامه في السوبيا للتخلص من المكسرات والسمسم ، بعد خلط المكونات جيدا يمكنكم الإحتفاظ بها في برطمان محكم الغلق ، نأتي لخطوة تحضير مشروب السوبيا سنحتاج لكل كوب حليب 3 ملاعق كبار غير ممتلئة من بودرة السوبيا الخليط الذي حضرناه سابقا نضيف كمية الحليب التي نحتاجها ونضيف بودرة السوبيا ونخلطهم جيدا في الخلاط الكهربائي يمكنكم إضافة سكر حسب الرغبة عند الخلط في الخلاط أو الإستغناء عنه ، الكريم شانتيه يعطي مذاق مميز للسوبيا وأيضا يصنع له فوم قوي ،يمكنكم أن تصفوا المشروب بعد خلطه في الخلاط إذا كان جوز الهند ظاهر بشدة .

                       فيديو فيه طريقة الوصفة 

بشكل أوضح ⬇

طريقة عمل هلال مجسم بالكروشيه ( زينة رمضان )

 

زينة مميزة بالكروشيه تقدروا تعملوها بكل سهولةمن صنع أيديكم وتستمتعوا بتزيين بيوتكم بيها في رمضان أو في أي مناسبة وكل عام وأنتم بخير 

الأدوات المستخدمة :-

- إبرة كروشيه مقاس 3m .

 - خيط كروشيه مناسب لحجم الإبرة

  أنا استخدمت خيط اليزا ديفا .

- ماركر ( دبوس خاص بوضع علامة عند الغرزة المطلوبة ) 

- فايبر لحشو الهلال به أو قطن .

- إبرة تنظيف .

- مقص .

الغرز المستخدمة :-

- الدائرة السحرية .

- غرزة الحشو .

- غرزة السلسلة .

- غرزة المنزلقة .

الباترون :- 

في البداية نقوم بعمل الدائرة السحرية

- في بداية الصف الأول للهلال نقوم بعمل 6 غرز حشو داخل       الدائرة السحرية .

- في الصف الثاني عند أول غرزة حشو نقوم بعمل 2 غرزة حشو ونضع الماركر عند أول غرزة حشو قمنا بها في بداية الصف الثاني ثم عند غرزة الحشو الثانية من الصف الأول نقم بعمل فيها 2 غرزة حشو أيضا ونقوم بنفس العمل في باقي الغرز يصبح لدينا إجمالي الغرز في نهاية الصف الثاني 12 غرزة حشو .

- في بداية الصف الثالث عند أول غرزة بها الماركر نقوم بعمل غرزة حشو واحدة ونضع عندها الماركر ثم غرزة الحشو الثانية نقوم بعمل فيها 2 غرزة حشو ثم عند غرزة الحشو الثالثة نعمل عندها غرزة حشو واحدة ونعيد نفس الطريقة مع باقي الغرز حتى نصل للغرزة التي بها الماركر .

- في الصف الرابع نقوم بعمل نفس الطريقة التي استخدمناها في الصف الثالث نبدأ بغرزة حشو واحدة عند الغرزة التي بها الماركر ونضع مرة أخرى الماركر عند غرزة الحشوثم نقوم بعمل  2 غرزة حشو ثم غرزة حشو واحدة ونكمل بنفس الطريقة حتى نصل للماركر .

- في الصف الخامس أيضا نكرر ما قمنا به في الصف الرابع. 

- في الصف السادس عند الغرزة التي بها الماركر نقوم بعمل فيها غرزة حشو واحدة ونضع فيها الماركر ثم في الغرزة التالية نقوم بعمل غرزة حشو واحدة أيضا ثم في الغرزة التي بعدها نقوم بعمل 2 غرزة حشو ونكمل بنفس الطريقة حتى نصل للغرزة التي بها الماركر .

- في الصف السابع عند الغرزة التي بها الماركر نعمل فيها غرزة حشو واحدة نضع عندها الماركر ثم في الغرزة التالية نعمل غرزة حشو واحدة والغرزة التي بعدها نعمل بها غرزة حشو واحدة أيضا ثم عند الغرزة التي بعدها نعمل 2 غرزة حشو ثم نكمل باقي الصف بنفس الطريقة حتى نصل للماركر  .

- في الصف الثامن عند الغرزة التي بها الماركر نعمل فيها غرزة حشو واحدة ونضع فيها الماركر ثم الغرزة التالية نعمل فيها غرزة حشو واحدة والغرزة التي بعدها نعمل غرزة حشو واحدة وأيضا عند الغرزة التي بعدها نعمل غرزة حشو واحدة أي أول أربع غرز حشو في الصف الثامن نعمل في كل واحدة منهم غرزة حشو واحدة ثم عند غرزة الحشو الخامسة نعمل فيها 2 غرزة حشو ونكمل باقي الصف بنفس الطريقة حتى نصل للماركر .

- في الصف التاسع عند الغرزة التي بها الماركر نعمل غرزة حشو واحدة ونضع عندها الماركر ثم عند أول 5 غرز حشو نعمل في كل غرزة حشو منهم غرزة حشو واحدة ثم عند غرزة الحشو السادسة نعمل 2 غرزة حشو ونكمل باقي الصف بنفس الطريقة حتى نصل للماركر .

- في الصف العاشر عند الغرزة التي بها الماركر نعمل فيها غرزة حشو واحدة ثم نضع بها الماركر ثم عند كل غرزة حشو تقابلنا نعمل بها غرزة حشو واحدة حتى نصل إلى الماركر ، هكذا نكون قد انتهينا من عمل الهلال سنعمل عند الغرزة التي بها الماركر نعمل غرزة منزلقة ثم نسحب كمية مناسبة من الخيط تقريبا بطول إبرة الكروشيه مرتين ونقصه .

بعد ذلك سنقوم بثني الشكل الدائري الذي قمنا بعمله عند ثنيه سيعطينا شكل الهلال ومن ثم نقوم بإستخدام إبرة التنظيف والخيط الذي سحبناه في نهاية العمل ونقوم بخياطة الشكل كما موضح في الفيديو بالأسفل ونترك ربع الهلال دون خياطة لنقوم بإدخال الفايبر من خلاله ونستخدم كمية من الفايبر مناسبة لحجم الهلال ومن ثم نكمل خياطة باقي الهلال ونغلقه ونقوم بإخفاء 

باقي الخيط .

أنا عملت أكثر من هلال وحبيت أستخدمهم في خيط واحد كحبل علشان أقدر أعلقهم في المكان اللي عايزاه تقدروا بإستخدام نفس الخيط تعملوا 30 غرزة سلسلة وبعدها تثبتوا الخيط في الهلال عن طريق عمل 3 غرز حشو علشان نثبت الهلال وبعدها عملت 30 غرزة سلسلة كمان وبعد كده ثبت الهلال اللي بعده بنفس الطريقة اللي عملتها في الأول هكذا ، تقدروا تشوفوا الطريقة بشكل أوضح من خلال الفيديو اللي بالأسفل ⬇

طريقة عمل السحلب بكل سهولة ، أحلى من الجاهز

 

السحلب من المشروبات المغذية واللذيذة جداً تقدروا تعملوه بنكهات مختلفة في البيت بكل سهولة مناسب جداً في أجواء الشتاء وكمان تقدروا تعملوا منه حلويات

مهلبية السحلب وقمر الدين

https://lolista93.blogspot.com/2020/08/blog-post_38.html

المكونات والمقادير :-

- كوب واحد من دقيق الأرز .

- كوب واحد من السكر البودر الناعم .

- كوب واحد من الحليب البودر .

- 5 ملاعق كبيرة من نشا الذرة .

- 5 جرام من الفانيليا .

للتزيين ( جوز هند مبشور / مكسرات / فواكه / صوصات زي صوص الشيكولاتة أو الكراميل أو الفراولة )

وومكن تضيفوا عود قرفة أو ماء زهر لإعطائه نكهة مختلفة .

عند تحضير السحلب على النار نضيف لكل كوب حليب نصف ملعقة كبيرة من خليط السحلب .

طريقة التحضير :-

تخلط جميع المكونات جيداً مع بعضها البعض ويراعى استخدام نفس الكوب بنفس الحجم لجميع المكونات ، بعد خلط المكونات جيداً يكون السحلب جاهزً يمكنكم أخذ نصف ملعقة كبيرة من خليط السحلب لكل كوب حليب نضيف الحليب في وعاء ويفضل أن يكون مضاد للالتصاق مثل التيفال أو السيراميك ونضيف السحلب للحليب ثم نذيب السحلب على البارد أولاً ثم نضع الوعاء على النار يمكنكم تقليب الحليب مع السحلب من حين لأخر بالمضرب اليدوي لكي تذوب التكتلات التي يحدثها السحلب يمكنكم رفع مشروب السحلب من على النار عندما تشعرون بأنه أصبح قوامه ثقيل ووصل للغليان ، إن كان القوام أخف مما تريدون يمكنكم اضافة المزيد من بودرة السحلب ، بعد ذلك يصب في الأكواب ويمكنكم تزيينه بالمكسرات أو الفواكه كما تحبون ، إن أردتم عمل السحلب في وعاء استانلس احرصواعلى أن تكون النار منخفضة وقلبوا الخليط جيداً من حين لأخر كي لا يلتصق  وبألف هنا .

فيديو فيه الوصفة كاملة صوت وصورة ⬇

طريقة مختلفة للوبيا ( لوبيا بالكفتة )

 

اللوبيا من البقوليات اللي بتحتوي على بروتين نباتي بنسبة عالية علشان كده هي من الأكلات المغذية جداً ممكن تجربوها مع الكفتة ، زي كفتة داود باشا بس بدل ما تكون مع صوص طماطم فقط هنعملها باللوبيا، أتمنى الطريقة تعجبكم .

مكونات ومقادير اللوبيا :-

- 2 بصلة متوسطة الحجم .

- نصف كيلو من الطماطم معصورة .

- ملعقتين كبار من الثوم المفروم .

- نصف كيلو من اللوبيا .

- ملعقة صغيرة من الكزبرة الجافة .

- ملعقة كبيرة من صلصة الطماطم .

- نصف ملعقة صغيرة من الكمون .

- نصف ملعقة صغيرة من الفلفل الأسود .

- ملعقة صغيرة سكر .

-2 مكعب مرق لحم أو دجاج. 

 - ملح .

- زيت / زبدة .

طريقة تحضير اللوبيا :-

الأول هننقع اللوبيا في الماء لمدة ساعة - ساعتين بعدها هنبدأ بسلق اللوبيا هنضيف اللوبيا للماء علشان تتسلق الماء يكون مغطي اللوبيا بزيادة وعند الغليان هنشيل الريم الأبيض اللي بيظهر على سطح الماء لأن الريم ده بيكون فيه الغازات الموجودة في اللوبيا واللي بتسبب انتفاخ المعدة فلازم يتشال بعد كده هنسيب اللوبيا في الماء على النار لحد ما تستوي نصف تسوية تغلي مرتين فقط ونطفي النار عليها  لأننا هنكمل تسويتها في صوص الطماطم فلازم اللوبيا متستويش بالكامل عند سلقها علشان تستحمل التسوية في الصوص بعد ما ننتهي من سلق اللوبيا هنصفيها من الماء كويس ونبدأ بفرم البصل فرم ناعم بعد كده هنحمر البصل على النار مع نصف كمية الثوم المفروم لحد ما يبقى لونهم ذهبي بعد كده هنضيف عصير الطماطم مع السكر وصلصة الطماطم والكمون والفلفل الأسود والكزبرة ومكعب المرق هنسيب الخليط يغلى على النار وبعد كده هنخفض النار  ونسيب عصير الطماطم يتسبك ( يصبح قوامه ثقيل والماء اللي فيه يتبخر ) بعد كده هنضيف باقي كمية الثوم المفروم واللوبيا المسلوقة ونقلبها كويس مع الطماطم والثوم والبصل ونكون غالين ماء على النار يكفي حسب كمية الطبخة وعدد الأفراد بعد ما نضيف اللوبيا هنزيد عليه الماء ونسيبه على نار عالية في البداية لحد ما تغلي على النار ثم نخفض النار ونسيب الطبخة لحد ما اللوبيا تقرب تستوي في الوقت ده هنضيف الكفتة للوبيا ونتركهم يكملوا تسوية ( الكفتة مش هتحتاج تستوي فلازم يكون فاضل وقت بسيط للوبيا علشان تستوي وبعد كده نضيف الكفتة ) كده تكون اللوبيا بالكفتة جاهزة للأكل .

مكونات ومقادير الكفتة :-

- نصف كيلو من اللحمة المفرومة .

- بصلة واحدة متوسطة و مفرومة فرم ناعم .

- ملح .

- ربع ملعقة صغيرة من الفلفل الأسود .

- نصف ملعقة صغيرة من بهارات اللحمة .

- نصف ملعقة صغيرة من الكمون .

- ربع ملعقة صغيرة من القرفةالبودر 

 ( أقل بقليل من ربع الملعقة ).

طريقة تحضير الكفتة :-

هنضيف البصل والبهارات للحمة ونخلطهم مع بعض كويس جداً لحد ما المكونات تندمج مع اللحمة بعد كده هنسيب اللحمة في الثلاجة لمدة نصف ساعة لو مستعجلين أو لو عندكوا وقت خلوها في الثلاجة أكثر علشان تتماسك ونقدر نشكلها بعد كده بسهولة وكمان تأخذ نكهة البصل والبهارات اللي ضفناها ، بعد كده هنخرجها من الثلاجة ونبدأ في تشكيلها ممكن نعملها بالشكل الدائري أو أصابع كفتة عادية حسب إختياركم بعد كده هنقليها على النار في زيت سخن لحد ما تتحمر هنصفيها من الزيت كويس و بعد كده نضيفها للوبيا .

وبكده الأكلة تكون جاهزة  ، وبألف هنا...

طريقة تخليل اللفت والجزر بطريقة سهلة ومضمونة👌

 

لكل فصل من فصول السنة أكله اللي بيميزه وبيكون مناسب ليه حسب احتياج الجسم في كل فصل من ضمن الأكلات دي هي مخلل اللفت اللي بيكون موجود في الشتاء وبيبقى حلو جداً جمب الأكل

المكونات والمقادير :-

 - 2 كيلو من اللفت .

- نصف كيلو من الجزر .

- حبة واحدة من البنجر

  ( الشمندر ) .

 - 4ملاعق كبار من الملح .

- 4 ملاعق كبار من الخل الأبيض .

 - 2 ملعقة كبيرة من السكر .

- ربع ملعقة كبيرة من الشطة البودر ( اختياري ) .

- 2 لتر من الماء .

طريقة التحضير :-

في البداية هنغلي 2 لتر من الماء ونسيبه يبرد تماماً وبعد كده هنبدأ نقطع السيقان الخضرة اللي موجودة في اللفت وممكن نسيب جزء بسيط منها بيفضل ملتصق باللفت نفسه والجزء ده من السيقان بنشيل كم ساق من الجزء الخارجي ونسيب السيقان اللي من الداخل زي ما موضح في الفيديو ( في ناس بتحب تأكل السيقان دي لو مش حابينها تقدروا تتخلصوا منها بالكامل ) وبنشيل الجزء الأبيض اللي في اللفت من تحت اللي بيكون فيه الجذور بتاعت اللفت ولو فيه أي جزء في قشر اللفت غير سليم بنشيله بس من غير مانشيل القشرة كلها وبنكون مجهزين طبق عميق ونضيف فيه ماء وقليل من الخل وكل ما نخلص وحدة لفت نحطها في الماء والخل علشان أي أوساخ على اللفت تتشال بعد كده بسهولة لما نيجي نغسله بعد ما نخلص كمية اللفت كلها هنقشر الجزر وبعد كده هنبدأ نغسلهم كويس جداً تحت الماء ونسبهم يصفوا من الماء ونبدأ بعدها نقطع اللفت والجزر لدوائر وبعدها نقطعهم لأصابع ونقشر حبة البنجر ونقطعها بنفس الطريقة ونخلطهم كلهم مع بعض بعد كده هنضيف للماء اللي غليناه الملح والسكر والخل والشطة ونقلبهم كويس في الماء وبعد كده نعبي البطرمانات اللي هنخلل فيها هنعبيها بخليط اللفت والجزر والبنجر هنملأ البطرمانت ونسيب جزء بسيط وبعد كده نضيف الماء للبطرمانات ونسيب ربع البطرمان فاضي من غير ماء علشان اللفت هينزل ماء منه وبالتالي الماء اللي في البطرمان هيزيد فلازم يكون في جزء في البطرمان فاضي ونقفل البطرمان كويس علشان الهواء ميدخلش للبطرمان وبكده تقدروا تأكلوا أحلى مخلل لفت وجزرهيأخذ حوالي 4 أيام وبعدها تقدروا تأكلوا منه  ، وبألف هنا...