أدوات رياضية بسيطة تسهل التمرين وممارسة الرياضة في المنزل

 

 في بداية مرحلتي الجامعية وأنا بدأت أفكر في ممارسة التمارين الرياضية وكان وقتها اليوتيوب ومواقع التواصل الإجتماعي لم تكن بالشهرة والأهمية الموجودة حاليا بإستثناء الفيسبوك ولكن لم يكن يحتوي على محتوى تعليمي للتمارين اللي في بالي في تلك الفترة كنت حابة أمارس تمارين لياقة بدنية وسمعت وقتها عن تمارين المقاومة اللي بتساعد في الحفاظ على لياقة ومرونة الجسم والعظام وأيضا بتقوي العضلات فكانت تلك التمارين هي المرغوبة بالنسبة لي وحبيت أبدأ أمارسها واللي شجعني وقتها لما كنت في أحد الهايبرماركت لقيت دمبلز ( أوزان / أثقال ) كانت بأحجام وأوزان مختلفة وسعرها كان معقول في ذلك الوقت فقررت أشتري اثنين بنفس الوزن وكان وزنهم مناسب لقدرتي على حمل أوزان ثقيلة بدأت بوزن خفيف في البداية لم أكن أعلم حينها آن تمارين المقاومة ممكن تتم بوزن الجسم فقط دون الحاجة لأوزان طبعا من خلال ممارسة تمارين بتكنيك مختلف عن التمارين بالأورزان ، وبدأت بالتمرين في المنزل وكانت الفيديوهات والمواضيع اللي بتتكلم عن هذا الموضوع قليلة على الإنترنت في تلك الفترة فحسيت بعد فترة بالملل بسبب تكرار نفس التمارين ولم أجد حينها محتوى أكثر تفصيلا عن ذلك النوع من التمارين ولكن ظل الموضوع في بالي لم أنساه وبعدها بعدة سنوات وجدت محتوى على اليوتيوب قناة إسمها سارة بوب فيت أو الإسم كما مكتوب على اليوتيوب  Sara PopFit وكان محتواها عن تمارين المقاومة والكارديو والهيت وكلها تمارين بوزن الجسم دون الحاجة للأثقال وكمان بتتكلم عن التغذية المناسبة للناس اللي بتتمرن حسب هدفهم إذا كان التنحيف أو زيادة الوزن أو الحفاظ على الوزن كانت ومازالت بتعلم فيديوهات بشرح بسيط للسيدات اللي حابين يمارسوا التمارين الرياضية ويحققوا هدفهم على مستوى الصحة الجسدية بممارسة الرياضة والتغذية السليمة وكمان فيديوهاتها بتشجع البنات إنهم يبدؤوا تمرين من البيت بدون الحاجة للجيم أو أثقال أو معدات وأجهزة معقدة فالمحتوى ده شجعني أرجع أتمرن تاني لإن ده المحتوى اللي كنت محتجاه ، وعلى فكرة هي سيدة عربية سورية فمحتواها بالعربي ، وبعد فترة مع سارة بوب فيت قررت إني أخوض تجربة الجيم وأغير إسلوب التمارين وأجرب معدات الجيم وإني أستخدم أوزان أعلى علشان أبني عضلات لإن نسبتها كانت قليلة عندي وفعلا قدمت في جيم قريب من المنزل واشتركت لمدة عام علشان أضمن إني طالما دفعت الإشتراك يبقى هواظب على الذهاب للجيم بس الحقيقة اللي حصل إني واظبت في البداية كويس وفي النصف كان بيحصلي ظروف فكنت بكسل أروح وحسيت بفقدان الشغف بس في نفس الوقت أنا حبيت فكرة التمارين والرياضة و حبيت أستمر فيها ولكن من المنزل لأني حسيت إن التمرين في المنزل بالنسبة لي هيكون أفضل و هواظب أكثر على التمرين علشان كده قررت أكمل التمرين ورحلتي مع الرياضة بالطريقة اللي هتكون أكثر راحة ومناسبة لي واللي شجعني إن إكتشفت إن في منتجات بتحل محل الدمبلز تعتبر بديل ليه من حيث الوزن هي لا بتحتاج مكان للتخزين أو بتأخذ حيذ ولا بتكون ثقيلة في حملها زي الأثقال بس في نفس الوقت بتؤدي نفس الغرض لإنها مصنوعة من البلاستيك بس بيكون قوي ومتنوع في المتانة ويأخذ  شكل الحزام بيكون زي حلقة  متصلة وبيجي في مقاسات مختلفة ولكن المقاس من حيث المتانة كل حزام ليه لون وحسب اللون بتكون متانته وشدته أقوى من غيره المتانة بتكون في المادة المصنوع منها كل ما كانت أشد وأقوى كل ما زادت شدة مقومتها أثناء التمرين ، وكمان سعرهم أقل بكثير عن الدمبلز واللي شجعني على شرائهم إني شوفت أكونت على انستجرام

 fitness_momness لمدربة أمريكية بتقدم فيديوهات بأدوات ومنتجات مختلفة أيا كان الأدوات المتاحة لكل شخص بنت أو سيدة هتلاقي فيديوهات عندها بالتمارين المناسبة لكل أداة أو منتج ، إشتريت مجموعة عبارة عن خمس أحزمة متصلة وفي منهم بيكون مفتوح وكل شكل ليه استخدامه ومميزاته لكن اللي اشترتهم كانوا من النوع المقفول بيجوا مجموعة من خمس ألوان كل لون ليه شدة مختلفة عن الأخر وبيبقى مكتوب على كل حزام مدى الشدة بتاعته وكمان النوع اللي اشتريته كان معاه ورقة فيها صور للتمارين اللي ممكن تتعمل بيهم وكمان فيها جدول بيشرح كل لون بيساوي قد ايه من الدمبل بوحدة القياس LBS وكمان بوحدة قياس الكيلو ، يعني عل  سبيل المثال اللون الأخضر بيساوي  من 10 - 15 واللون الأزرق بيساوي من 15 -20 LBS وهكذا وبيبدأوا من أخف شدة في المقاومة الى الأكثر شدة بالتدريج وكمان الأحزمة دي في منها نوع زي النسيج منسوج بطريقة ومن خامة أقوى من البلاستيك وده بيكون لتمارين الأرجل والجزء السفلي من الجسم والنوع ده بيكون أقوى وبيستحمل النوع ده من التمارين أكثر ، اشتريت منه مجموعة مكونة من ثلاث أحزمة كمان كل واحد ليه شدة مختلفة ، وأخر حاجة اشترتها هي mat الخاصة بالتمرين ودي كان سمكها 6 ملي ولقيتها مناسبة وكويسة في تأدية الغرض منها ، اللي حابة أوصله من خلال التدوينة دي إن ممارسة التمارين والمحافظة على صحة العظام والجسم بشكل عام هو أمر سهل وبسيط وحاليا ومن فترة طويلة والموضوع بيتطور وبيكون أبسط كمان فيديوهات المختصين في هذا المجال أصبحت كثيرة ومنتشرة في منها المجاني وفي منها اللي بيكون بمقابل مادي  وكل واحد يقدر يتمرن بالطريقة المناسبة ليه حسب ظروفه والإمكانيات المتاحة ليه ، أتمنى أكون وصلت الفكرة بشكل سليم وواضح وهسيب روابط شراء المنتجات اللي ذكرتها في الأسفل 👇 للي حابب يطلع عليها أو يشتريها ، المنتجات اشتريتها من موقع جوميا مصر لأنه بديل لشركات المقاطعة مثل أمازون ونون لكن إذا لم يكن لديكم نفس الموقع في بلدكم أو لا يوجد توصيل منه لديكم فيمكنكم أخذ بيانات وصور المنتجات والبحث عنها في المواقع المتاحة لديكم أو البحث في المحال التجارية المتخصصة في بيع الأدوات الرياضية ، أيضا في الأسفل 👇 يوجد فيديو قمت بتصويره ورفعه على يوتيوب عن تلك المنتجات .  

روابط المنتجات من جوميا مصر :-

PVC Yoga Mat For Exercise

https://www.jumia.com.eg/ar/pvc-yoga-mat-for-exercise-6mm-purple-generic-mpg157220.html

حزام مطاطي من الحرير اللاتكس حزام مقاومة

https://www.jumia.com.eg/ar/resistance-band-yoga-tension-band-set-generic-mpg1163930.html

احزمة مقاومة مطاطي - 5 مستويات

https://www.jumia.com.eg/ar/generic-elastic-resistance-bands-5-levels-for-yoga-and-exercises-61167647.html

فيديو عن الأدوات

نكهات أيس كريم Wonderville المفضلة و شيبس Raw

الأيس كريم من الحلويات المفضلة لدى الجميع معتقدش أن في حد ممكن يكون مبيحبش الأيس كريم أو ممكن يكون نسبة بسيطة من الناس ليها رأي تاني ، نكهات الأيس كريم التقليدية المفضلة عندي هي الفانيليا والشيكولاتة خاصة اللي بتكون مع stick فانيليا ومغطاة بالشيكولاتة والفراولة بس طبعا صناعة الأيس كريم مبقتش مقتصرة فقط على النكهات دي لأ أصبح في تطور عام بعد عام في النكهات وطريقة التقديم والتغليف وغيرهم ، وطبعا أغلب الشركات اللي كانت منتشرة في السوق المصري والعربي بشكل عام هي الشركات الأجنبية زي(  نستلة / دولسي / ميجا / كيمو كونو / برادايس / كارنفاليتا / أوريو / سنيكرز / دايري ميلك / كولد ستون )  وكل الشركات السابق ذكرها حتى لو كانت بتصنع في دولنا العربية إلا أنها تظل شركات أجنبية أرباح مشترياتنا من تلك الشركات بتروح للشركة الأم وبالتالي الإقبال الكبير عليها بيخلي شركات كتير تقبل على شراء أسهم في تلك الشركات من أجل التربح خاصة أن كل الشركات السابق ذكرها مدرجة في سوق البورصة الأمريكية وبالتالي شركات زي شركات بلاك روك وفانجرد الداعمين للكيان الصهيوني بيكون ليهم نسبة من تلك الأرباح ومن بعد أحداث 7 أكتوبر 2023 أصبح في وعي أكثر  عند الناس بأهمية مقاطعة أي منتج أجنبي بيكون من ضمن المالكين لأكبر نسبة في الأسهم الخاصة بهم زي شركات بلاك روك و فانجرد ودي مش رفاهية ده واجب وأقل شئ نعمله كبشر ، و طبعا ده مش مقتصر على الايس كريم والشيبس أكيد لأ المقاطعة بتشمل كل المجالات سواء في الأغذية والمشروبات والتجميل والملابس الأحذية الشنط ملابس الرياضة الإكسسوارات وغيرهم .... طالما في بدائل تبقى المقاطعة واجب علينا وحتى المنتجات لو ملهاش بديل ونقدر نستغني عنها لأنها مش أساسية أو فيها حياتنا وممتنا يبقى الأفضل نستغني عنها .

من الأيس كريم اللي جربته بعد المقاطعة وعجبني جدا هو أيس كريم Wonderville في نكهات حبيتها جدا زي  :-

- أيس كريم الفانيليا مع قمع البسكويت ( cone ) طعمه كان لذيذ جدا والكمية كبيرة يعني الأيس كريم موجود لحد أخر قطعة في البسكوت بجد تحسوا بشبع وانتوا بتكلوه وأخر جزء من طرف البسكوت محطوط عليها صوص شيكولاتة ، كمان في من نفس لاين البسكوت نكهات تانية بس أنا جربت فقط الفانيليا وغزل البنات ( cotton candy ) غزل البنات كمان كان حلو بس سكره زيادة وأنا مبحبش الحلويات يكون فيها سكر زيادة عن اللزوم علشان كده حبيت أكثر اللي بالفانيليا. 

- جربت كمان أيس كريم زبادي بالتوت مغطى بالشيكولاتة البيضاء مع استيك ( stick ) الخشب الشيكولاتة البيضاء طعمها كان حلو بس الأيس كريم نفسه من جوه كان طعمه فيه مزازة يعني علشان بالزبادي وكده بس ده محبتهوش يمكن لو المزازة أخف شوية كنت حبيته أكثر ، كمان كان فيه قطع كده بطعم التوت على الشيكولاتة والأيس كريم بس مشكلتي في المزازة اللي في الطعم .

- كمان جربت أيس كريم بنكهة الفراولة كان في عبوة بلاستيك صغيرة دي كانت حلوة جدا عجبني الطعم والعبوة نفسها الألوان وكل حاجة فيها كانت حلوة هما عموما التغليف والألوان والتصميمات الخاصة بالمنتجات عندهم حلوة وفيها ذوق ، بالنسبة للعبوة البلاستيك الصغيرة اللي بنكهة الفراولة بيجي معاها ملعقة صغيرة بلاستيك بيضاء بتبقى مثبتة  في غطاء العبوة من الداخل يعني لو أكلت جزء من الأيس كريم أقدر أقفل العبوة وأثبت فيها الملعقة وأحفظها في الفريزر لما أحب أكلها مرة تانية حبيت فكرتها جدا .

وطبعا في نكهات أخرى بس دي النكهات اللي جربتها وعجبتني لحد دلوقتي ، أنا من الناس اللي مبحبش أجرب حاجات كتير خاصة في الأكل والشرب بجرب كام  حاجة ولما استقر على حاجة عجبتني وحبتها خلاص مبجربش حاجة تانية غير بعد فترة لما أحس إني محتاجة أجرب حاجة جديدة .   

- في نوع من  أنواع الشيبس المصري الموجود في السوق اسمه Raw وهو مصري المنشأ والشركة المالكة للمنتج شركة مصرية هي ظهرت في مصر من فترة طويلة من قبل أحداث 7 أكتوبر والمقاطعة ومن وقت ما ظهر أنا جربته وكان بالنسبالي من المفضلات في الشيبس لأنه فعليا من أنظف أنواع الشيبس الموجودة في السوق جودته عالية جدا الشيبس بتاعه نظيف مبقلقش وأنا باكل أن يكون فيه واحدة شيبس غير سليمة أو غير صالحة للأكل باكل منه وأنا مطمئنة كمان النكهات بتاعته رائعة والطعم واضح يعني مش نكهة ضعيفة أو بعيدة عن النكهة المكتوبة على الكيس لأ النكهات عندهم جميلة جدا وواضحة ، ورأي دي عن النكهات اللي أنا جربتها زي نكهة الكريمة الحامضة مع الأعشاب ونكهة الفلفل الحلو بس مشكلتي مع الفلفل الحلو انه حار لو بارد كان هيبقى التوب بالنسبالي وكمان جربت نكهة الهالوبينو ودي مع أنها حارة شوية بس طعمها تحفة وبيرجعني لذكريات جميلة لأن نكهته نفس نكهة شيبس عمان الموجود في الخليج وأنا كنت بحبه في الفترة اللي كنت مقيمة فيها في الخليج كنت بحب شيبس عمان و سلاطة وده كان اسم لنوع تاني من الشيبس العماني اللي كان موجود في الأسواق الخليجية ومازال بس لأن في مصر شيبس عمان غير متوفر عندنا فكان أقرب طعم ليه ويكاد يكون نفسه هو شيبس Raw بالهالوبينو .

لو حابين تتعرفواعلى قناتي على اليوتيوب ممكن تشوفوا الفيديو ⬇     

تحرير الأرض يأتي عند تحرر العقول ( ليست مقاطعة بل تحرر )

 

السيطرة على العقول بشكل مباشر أو غير مباشر هو نوع من أنواع الاحتلال ، فالاحتلال لم ولن يكون بصورته التي إعتدنا عليها وهو احتلال دول لبعضها البعض أو اغتصاب أرض ومن ثم يتم نسبها لقوة غاشمة تسيطر عليها وتنصب نفسها دولة وهي أبدا ما كانت ولن تكون دولة حقيقة بل ستظل دائما الدولة المحتلة التي لم يكن لها وجود أتت من العدم مستغلة النفوذ والظروف التي أتت في صالحها لتنشئ دولتها المزعومة ، هذا النوع من الاحتلال عرفناه وكان الكثيرون يظنون بأن هذا النوع فقط ما يسمى بالاحتلال ولكن ما اتضح في الأونة الأخيرة من هذا العام وبات يعرفه سكان العالم اجمع أن هذا النوع من الاحتلال هو وجه من وجوه الاحتلال الأقل خطورة حيث إذا قارنا بين احتلال الأرض واحتلال العقل سنجد أن احتلال العقل أخطر بكثير لأنه يحدث بشكل غير مباشر وبدون إدراك لصاحب العقل فنحن نتعرض للسيطرة على عقولنا بدون إدراك منا لذلك وأنواع تلك السيطرة متنوعة ومتعددة ومنها الواضح أو سهل الوضوح يمكننا اكتشافه بشكل أسرع ومنه مالا يمكننا معرفته سوى متأخر بعد أن نكون قد اعتدنا عليه وأصبح جزء متأصل من حياتنا وعاداتنا اليومية لدرجة أنه عند إدراك حقيقة الأمر وأننا كنا في غفلة عن الحقيقة  نجد أنفسنا نستصعب تلك الحقيقة ونجد صعوبة في ترك أو التخلي عن مسببات تلك السيطرة بل ويذهب البعض لعدم التصديق مع إن الحقيقة واضحة وضوح الشمس ومع ذلك يستنكر فضح تلك الحقيقة ويبدأ بالدفاع عن تلك المسببات بل ويختلق لنفسه أعذار ومبررات لا قيمة لها فقط لأنه لا يستطيع مجاهدة نفسه لترك تلك المسببات التي تسيطر عليه وتجعله شخص محتل عقليا وفكريا واقع تحت وطأة المحتل الغاصب بسبب أمور مادية ليست من أساسيات العيش ولا هي من أولوياته ، لا يمكنه فك قيود عقله التي مفتاحها في يده فكيف له أن يجابه العدو في ساحة القتال والانتصار عليه وتحرير أرضه ! كيف سيقف أمام العدو بثبات وقوة الحق لنصرة أرضه ونصرة إخوانه الذين يعيشون معه في هذا العالم لهم نفس الحقوق والأحلام والأمال ولكن الفرق أنهم كان ابتلائهم في أن تسلب منهم أرضهم وتحتل وهذا ليس تقصيرا منهم أو ضعف بل هم قاوموا بكل السبل المتاحة لهم ومازالوا يقاومون على مدار 75 عاما ولكن عدوهم ميزته الوحيدة ليست فيه بل في عصبة عصابات الأمم المتحدة كما أسميها التي تدعمه وتقف خلفه وتمهد له كل السبل من أجل نجاح احتلاله لإخواننا وأرضنا فهم عصبة في الإجرام والاحتلال أما نحن كعرب فرقتنا ملذات الحياة ورغد العيش الوهمي الذي بات يتحكم بنا حتى بعد معرفتنا للحقيقة مازال هناك من يفضل تكذيب الأمر أو العيش كما كان متجاهلا كل الحقائق من أجل رغد الحياة الزائف فأصبح التعلق بالماركات والعلامات التجارية الأجنبية أهم من قتل إخوتنا بأبشع الطرق وتشريدهم من أرضهم ، ما فعله الغرب بأنهم أغرقوا عالمنا وأسواقنا بمنتجاتهم واختراعاتهم حتى أفكارهم نجحوا في نقلها لنا وجعلنا نصدقها ونتخذهم قدوة لنا هذا الأمر الذي طال كثيرا على مدار أعوام وأعوام ونجحوا فيه بشكل مثالي فكل شئ منذ طفولتنا سواء الألعاب البرامج الكرتونية الغذاء الأطعمة التي كنا نتناولها ولنا معها ذكريات ، والمطاعم التي كنا نحيا فيها حفلات أعياد الميلاد ولنا فيها صور تذكارية وغيرها الكثير من الصناعات المختلفة والمتنوعة التي تشكل جزء كبير من حياتنا كنا نفضلها ونثق فيها وهي في حقيقة الأمر كلها أمور مادية زرعت في حياتنا لتتوغل فيها وتندس كجاسوس يعيش بيننا ولم نستطع الكشف عن هويته الحقيقية ، ولكن بعد ما حدث في غزة من إبادة وتشريد لأهلها على يد الاحتلال الإرهابي الذي هو أصل ومخترع الإرهاب في العالم حدثت صحوة ليست في عالمنا العربي فقط بل في شعوب العالم اجمع الكل عرف بحقيقة ذلك المحتل وعلمنا كيف تتم السيطرة على عقولنا فنحن ندفع ثمن متع الحياة المؤقتة سواء في الطعام والشراب واللباس ثمنا غاليا ، بأموالنا نساهم في احتلالنا وبأموالنا نساعدهم في تدميرنا  ، الأن باتت الأمور واضحة حتى لمن لا يمكنه أن يرى أو يسمع بات واضحا للجميع كيف تقف كبرى شركات تجارة وصناعة الأسلحة التي تفتك بنا وبإخواننا خلف الشركات التي عشنا على حبها والثقة فيما تقدمه من منتجات بل هناك من الشركات والمؤسسات التي دعمت الكيان الإرهابي المحتل بشكل مباشر ومع كل ذلك وللأسف هناك من الناس مازالوا يدافعون عن تلك الشركات رافضين قطع كلة صلة لنا بهم من أجل التلذذ بشطيرة برجر أو كوب قهوة وغيرها الكثير فالقائمة طويلة فهل تلك اللذة تستحق ذلك الخذي عندما نرى دماء إخواننا تزهق ونحن نشاهد ولا يمكننا الحراك لنصرتهم !؟ هل تلك الملذات أهم من صلاح ضمائرنا أصبح العالم يعلم وشاهد على حقيقة الأمر فكيف نكون شاهدي زور أو نصم أذاننا وأعيننا عن الحقيقة ونستمر في العيش مع تلك الملذات التي كانت سبب في خراب حياة الألاف وكانت سبب في ضعفنا وقلة حيلتنا أمام مايحدث ، وللأسف الأمر أكثر تعقيدا بالنسبة لحكوماتنا فهم لا يستطيعوا أن يكونوا وحدة موحدة في وجه العدو الحقيقي لنا بل هم أعداء فيما بينهم تشغلهم السلطة والمال ، التحرر يجب أن يبدأ منا إن لم نستطع مجاهدة أنفسنا على صغائر الأمور والملذات كيف سنجاهد من أجل نصرة الحق الذي سنسأل عنه وسنحاسب عليه ، فلنبدأ بتحرير أنفسنا لأنه لن يكون لنا حجة أو مبرر أمام الله عز وجل فكلنا مسؤولون . 

طريقة تبخير وتعطير البيت من غير فحم

كلنا بنحب ان بيتنا يكون دايماً في أحسن صورة وكمان ريحته تكون عطرة دايماً

وممكن نخلي عندنا ركن للمعطرات والبخور اللي بنستخدمه 

يدي كمان شكل جمالي للبيت

كل اللي هنحتاجه هو :-

بخور أي نوع تحبوه 

ورق ألمونيوم ( ورق قصدير )

مبخرة أو فواحة

ملقط الفحم بس ده علشان نمسك بيه قطعة البخور مش الفحم 

كل اللي هنعمله هنشعل قطعة البخور بالنار ممكن على البوتوجاز 

ونسيبها شوية لحد ما النار توصل لجميع الاتجهات وبعدها بنطفيها

هتلاقوا الدخان بدأ يظهر ومن غير ما ريحة الفحم تغطي على ريحة البخور وتدايقنا

الفكرة موضحة أكتر في نهاية الفيديو التالي 

بخور المدينة ده بخور مصري

بس ريحته جميلة جداً وبتدوم لساعات طويلة وبتملى البيت 

هو عبارة عن 10 أعواد كبيرة ممكن تستخدموها على مرتين

وسعره معقول حوالي 15 - 20 جنيه 

ممكن تلاقوه في محلات العطارة 

فكرة جديدة وبسيطة لهدايا رمضان

 

 

فكرة نقدر نهادي بيها أحببنا وممكن نعملها مع الأطفال هيحبوها جداً

 

      كل اللي هنحتاجه هو:-

سبحة الكترونية / كرة بوم بوم / قفل معدن أو ميدالية مفاتيح

خرز كريستال بأشكال مختلفة أو خرز نصف دائرة أو سترس

ممكن تشتروا الحاجات دي من محلات بيع خامات الأكسسوارات

أو محلات بيع الخيوط وأدوات التطريز

وممكن تلاقوا الخرز في هدوم قديمة / مفارش /أكسسوارات مش بتستخدموها

كمان هنحتاج مسدس شمع / وخلة أسنان 

علب هدايا

طريقة التنفيذ سهلة وبسيطة موجودة في الفيديو 

فكرة بسيطة وسريعة أتمنى تجربوها وتعجبكم

       

                                                                                                                                    

 

 

 

 

تطبيق معلم القرآن لتعليم الأطفال القرآن الكريم بشكل مبسط ( تطبيقات للموبايل )

تطبيق مميز لتعليم الأطفال القرآن الكريم 

وتعليم الكتابة بشرح مبسط لإستعاب الطفل 

تطبيق سهل الإستخدام للأطفال في عمر الروضة وبداية المرحلة الإبتدائية تطبيق متنوع بيحتوي على عدة مواضيع يقدر الطفل من خلاله يتعلم ويحفظ سور القرآن الكريم من جزء عم وجزء تبارك بطريقة صوتية علشان يقدر الطفل يحفظ مع المقرئ بالتجويد وينطق الآيات بشكل صحيح ولو الطفل أكبر شوية ممكن يختبر حفظه للسور عن طريق لعبة ترتيب سور القرآن وكمان بيحتوي على شرح لقصص الأنبياء بشرح صوتي مبسط وفي نفس الوقت بيبقى في هيئة لعبة تحبب الأطفال في التعلم والإنساط وكمان التطبيق بيعلم الأطفال الأذكار من أول الإستيقاظ وأذكار عند سماع الآذان والخروج من المنزل إلى أذكار المساء والنوم وبيشرح أركان الإسلام بشكل مبسط ويقدر الطفل يتعلم طريقة كتابة  الأحرف الأبجدية .                                

بإختصار التطبيق ده بيساعد الأطفال على شغل وقت فراغهم في                   حاجة مفيدة ومسلية في نفس الوقت  

رابط التحميل :-https://play.google.com/store/apps/details?id=com.pixels.IslamQuran&hl=ar

طرق الوقاية من فيروس كورونا المستجد covid-19

طرق الوقاية من فيروس كورونا 

اللهم أحفظ الجميع

لو في حد مضطر يخرج من البيت علشان الشغل او لأمر ضروري لازم يكون معاه مطهر للايد يحتوي على مادة الكحول بتركيز 70% علشان استخدامه مهم بالذات لو هناكل خارج البيت ويفضل عدم الأكل في مطاعم  خارج المنزل  في الظروف دي ولو المكان اللى هنروحه فيه مياه ممكن نخلي معانا صابونة علشان نستخدمها لو المطهر مش متوفر.
الصحة أمانة لازم نحافظ عليها وكلنا مسؤولون.

 لبس الكمامة  بيكون عند الضرورة لو هنضطر نركب مواصلات أو هنروح اماكن فيها تجمعات بشرية كتير ولازم الايد متلمسش الكمامة واحنا في الخارج ولاتلمس الايد العين أو الأنف أو الفم إلا بعد غسلها كويس بالماء والصابون أو بعد تطهيرها ، لو الكمامة مكونة من جهتين ازرق وابيض الجهة اللي باللون الأزرق هي اللي بتكون للخارج والطبقة البيضاء بتكون ملامسة للأنف والفم .
ربنا يحفظ الجميع. 

استخدام غطاء واحد من الكلور على لتر من  المياه لتطهير المنزل وتعقيمه ونضع الخليط ده في بخاخة ونستخدمها في  التنظيف والتطهير ، ولازم نطهر مقابد الأبواب بالذات لو في حد دخل من خارج البيت ولمس المقبض وعند استخدام الكلور في التنظيف والتطهير لازم نمسح بقطعة قماش لأن الاقمشة القطنية والصوف مبيتجمعش عليها الفيروسات لمدة طويلة الكلور لازم يكون خفيف ومنضفش كتير من على الماء علشان هو يعتبر غاز سام واستنشاقه بكثره بيسبب مشاكل في التنفس وممكن يؤدي للوفاة غطاء واحد من الكلور كافي ومينفعش نستخدمه في ماء غسل المواعين لأن ده خطر على الصحة لأن الكلور مهما يتشطف بيفضل موجود على المواعين وكمان مينفعش نستخدمه على الجلد لأن ده أيضا خطر جدا على الجلد وممكن يعمل مشاكل على المدى البعيد في المطبخ مينفعش نمسح طاولة الطعام أو الرخام بالكلور لأن الأسطح دي بتلامس الأكل وده غلط على الصحة الماء والصابون كافي في التنظيف والتطهير وكمان مننساش تنظيف الموبايلات والتابلت برش القليل من الكلور المخفف بالماء على قطعة قماش والتنظيف بها لا يرش الماء على الموبايلات والتابلت مباشرة لأن ممكن يسبب التلف للأجهزة ولكن ممكن تنظيفهم وتطهيرهم بقطعة قماش مبللة بالكلور المخفف بالماء وكذلك لأجهزة الريموت كنترول ، كمان ممكن نطهر اي منتج مغلف هتشتريه من الخارج كإجراء احترازي ببخاخة الكلور وقطعة قماش وامسح المنتج جيدا ، ويفضل عدم استخدام الأكياس البلاستيكية عند شراء البضائع لأنها بتسمح لبقاء الفيروسات عليها لمدة 9 أيام وده بيساعد على انتقال الفيروسات ونقل العدوى يمكن استبدال الأكياس البلاستيكية باكياس قماش صوف أو قطن أو لو مش متوفرة يبقى نتخلص منها فورا بعد الدخول للمنزل وأخذ المنتجات منها وتطهيرها ، كذلك الأسطح الملساء زي الزجاج أو البلاستيك الأخشاب المدهونة الاسطح المعدنية كل دول بيساعدو في انتقال الفيروسات لازم 

نطهر هم باستمرار سواء في العمل أو المنزل بالكلور المخففبالماءونمسح بفوطة قماش قطنية 

نسأل الله السلامة للجميع....