طريقة عمل سلطة الكول سلو بطعم لذيذ وجربوها مع الساندويتشات بتدي طعم لذيذ جداً للساندويتش 👌

 

المكونات والمقادير :-

- نصف حبة واحدة من 

  الكرنب ( الملفوف ) 

  الأبيض  الصغير 

- حبة واحدة من الجزر 

  وممكن تستخدموا نصف

 الجزرة فقط اذاكانت كثيرة 

- 3علب زبادي صغيرةالحجم 

- 3ملاعق كبيرة من المايونيز 

- ملعقتين كبار من الخل  

 الأبيض 

- ملعقتين كبار من زيت الذرة 

- ملعقة كبيرة من العسل

  الأبيض 

- ملعقة كبيرة من السكر 

- ربع ملعقة صغيرة من الملح 

- رشة من الفلفل الأسود 

طريقة التحضير :-

في البداية بعد ما نقطع 

الكرنب لنصفين ونغسل 

الأوراق كويس 

هنشيل العروق الموجودة في 

بداية الورق علشان 

الوصفة دي 

بنحتاج فيها الأوراق فقط

 بدون العروق بعد كده هنبدأ

 نقطع الأوراق بالسكينة قطع 

متوسطة ثم هنرجع نعيد 

عليها التقطيع علشان تبقى 

مفرومة فرم ناعم بعد كده 

هنقشر الجزرة ونبشرها 

، في طبق عميق هنعمل 

الدريسنج بتاع السلطة 

هنخلط فيه الزبادي مع باقي 

المكونات ونقلبهم كويس جداً 

مع بعض بعد كده هنضيف 

عليهم الجزر والكرنب ونرجع 

نقلبهم كويس مع بعض 

ونحفظ السلطة في الثلاجة

 على الأقل من 3-4 ساعات

قبل التقديم بس كده هي دي 

وصفة الكول سلو سهلة 

وسريعة وكل ما بتقعد 

في الثلاجة كل ما 

حلاوتها بتزيد وطعمها بيكون 

ألذ جربوها مع 

ساندويتشات البرجر أو

 البطاطس زي ما عملت في

 الفيديو الموجود في الأسفل 

آن شاء الله تعجبكوا، 

وبألف هنا...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

طريقة عمل كفتة الأرز مع البطاطس ( أكلات الحلة الواحدة / أكلات سريعة في الإنجاز )

 

المكونات والمقادير :-

- كيلو من البطاطس مقطعة

  لمكعبات متوسطة الحجم .

- جزرة واحدة حسب الرغبة 

  ممكن الإستغناء عنها مقطعة

  مكعبات متوسطة .

- نصف كيلو طماطم 

  معصورة.

- بصلة واحدة كبيرة 

  ومفرومة فرم ناعم .

- 4 فصوص كبار من الثوم 

  المفروم .

- ملعقة صغيرة من السكر .

- ربع ملعقة صغيرة من 

  الفلفل الأسود .

- نصف ملعقة صغيرة من 

  الكمون .

- ملعقة كبيرة من معجون ( 

  صلصة الطماطم ) .

- زيت ذرة .

- سمنة أو زبدة

 حسب الرغبة .

- ملح .

- مرق لحمة أو ماء مغلي مع 

  مكعبين مرق بديل للمرقة .

طريقة التحضير :-

في البداية هنضيف البصل 

المفروم على الزيت والسمنة 

على النار ونقلبهم 

هنخلي البصل على النار لحد 

مايبدأ يأخذ اللون 

الذهبي من دون ما يحمر 

زيادة بعد كده هنضيف عصير 

الطماطم 

المضاف اليه السكر ومعجون 

الطماطم وباقي البهار ونقلب 

المكونات كلها مع بعض 

كويس ونعلي النار في البداية 

لحد ما الطماطم تغلي بعدها 

نقدر نخفض النار ونسيبها 

تستوي وتتسبك 

تبدأ كده تتخن ويقل منها

 الماء ممكن نضيف كمان في 

المرحلة دي الكفتة وممكن لو 

مجمدة نستخدمها مباشرة من

 الفريزر نضيف بس 2 من

 الكفتة علشان نختبر تسويتها

 على ما الطماطم تستوي لو 

الكفتة كمان استوت او بدأت 

تدخل في مرحلة التسوية 

يبقى مش هتأخذ وقت كثير

 وممكن نضيفها مع البطاطس 

والجزر ونسيبهم يستووا مع 

بعض أما لو الكفتة كانت لسه 

محتاجه وقت 

أكثر يبقى يفضل اننا نضيف 

الكفتة في الأول بعد تسوية 

الطماطم قبل البطاطس 

والجزر ونسيبها شوية لأن 

البطاطس بتستوي 

أسرع من الكفتة بعد ما

 نضيف الكفتة والبطاطس 

والجزر بنقلبهم مع بعض 

شوية بعد كده بننزل عليهم 

بالمرق اللي هيكمل 

تسويتهم وطبعاً بيكونوا 

مغمورين في المرق والكمية 

حسب الرغبة أيضاً بعدها 

بنضيف الثوم المفروم ونقلب 

المكونات كلها ونسيبها تغلي 

وبعدها نخفض النار ونسيب 

الأكل لحد مايستوي 

أهم حاجة في التسوية اننا

 منسويش الحاجة بشكل كبير 

علشان ده بيفرقفي الطعم 

لازم الكفتة تكون متماسكة 

مش مهرية من كثرة التسوية 

ونفس الشئ للبطاطس 

ونحاول نخلي البطاطس 

والجزر تقطيعهم يكون 

متساوي علشان يستوا مع 

بعض في نفس الوقت . 

 وبألف هنا...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

طريقة مضمونة وناجحة جداً لعمل كفتة الأرز

 

مكونات ومقادير كفتة الأرز :-

- نصف كيلو من الأرز 

  المطحون ناعم .

  

( ممكن نطحن الأرز في 

  المنزل في المطحنة ونصفيه 

بمصفى سلك علشان نتأكد إن 

الأرز ناعم تماماً لو في أي أرز 

خشن في المصفى نقدر 

نطحنه تاني لحد ما ينعم أو 

ممكن نستخدم دقيق الأرز 

الجاهز بيكون مطحون ومعبأ)

- نصف كيلو من اللحم 

  المفروم .

- بصلة متوسطة الحجم .

- 10 فصوص ثوم صغيرين .

- ربطة صغيرة من الشبت 

  والبقدونس والكزبرة .

- ملعقة صغيرة من الملح .

- نصف ملعقة صغيرة من 

  بيكربونات الصوديوم 

  ( كربوناتو )

- ملعقة صغيرةمن بهاراللحم .

- ربع ملعقة صغيرةمن

  القرفة الناعمة .

- ملعقة صغيرة من الكزبرة 

   الجافة .

- ملعقة صغيرة من الكمون .

- ماء .

- زيت لقلي الكفتة .

طريقة التحضير :-

هنقطع الخضرة ( الكزبرة 

والشبت والبقدونس ) 

بالسكينة تقطيع 

متوسط لو عيدان الخضرة 

سميكة ممكن تستغنوا عنها 

وتكتفوا فقط بالأوراق 

ونقطع البصلة لأربع أجزاء 

بعد كده هنفرم البصل 

والثوم في محضرة الطعام 

ولازم يكونوا مفرومين فرم 

ناعم علشان البصل ميبقاش 

واضح في الكفتة بعد كده 

هنضيف الخضرة على الثوم 

والبصل ونفرهم فرم ناعم 

وممكن نضيف عليهم شوية 

ماء علشان يسهل عملية الفرم 

لحد ما نتأكد إن الخضرة 

اتفرمت كويس بعد كده 

هنضيف اللحم المفروم على 

مرتين هنضيف نصف الكمية 

في البداية مع الخضرة 

ونخلطهم كويس بمحضرة 

الطعام(food processor)

بعد كده نضيف باقي كمية 

اللحم المفروم ونخلطهم مع 

باقي الخليط في نفس 

الجهاز لحد ما يكون الخليط 

مفروم بشكل متجانس 

ويكون الفرم ناعم بعد كده 

هنضيف البهارات على الأرز 

المطحون ونقلبهم 

كويس مع الأرز بعد كده 

هنضيف خليط اللحم 

والخضار على الأرز ونقلبهم 

مع بعض بعد كده هنرجهم 

لمحضرة الطعام علشان 

المكونات تنخلط مع بعض 

كويس جداً لحد ما يبقى 

الخليط متجانس ونقدر 

نشكله بسهولة بعد كده 

هنجيب صينية واسعة 

وندهنها بشوية زيت ونقدر 

نمسح إيدينا بشوية زيت 

صغيرين علشان نقدر نشكل 

الكفتة بسهولة من غير ما 

تلزق في الإيد تقدروا 

تشكلوها بالشكل اللي

تفضلوه سواء شكل دائري أو 

طولي زي ما واضح في 

الصورة بعد كده تقدروا 

تقلوها في زيت غزير 

لحد ما تأخذ لون ذهبي ولازم 

تنتبهوا على الكفتة وهي في 

الزيت وتقلبوها أول بأول 

علشان تحمر من جميع 

الجهات بعدكده هنرفع الكفتة 

من الزيت ونسبها في مصفى 

علشان نصفي منها الزيت 

وبس كده نقدر نحتفظ بيها 

في الفريزر ونقسمها في 

أكياس أو علب حفظ الطعام 

ونستخدمها في أي وقت 

نحتاجها فيه ، الخطوات اللي 

ذكرتها هتديكوا نتيجة حلوة 

للكفتة هتكون متماسكة 

ومش هيحصل فيها تشققات 

عند القلي أهم حاجة كمان 

عند تشكيل الكفتة متخلوش 

حجمها يكون كبير أوي وتكون

 تخينة لازم تبقى متوسطة 

في طولها والسمك علشان 

تستوي أسرع لما 

تستخدموها مع الطبيخ 

وتستوي من الداخل وعلشان

 لو سمكها كبير وتخينة زيادة 

عن اللزوم هتعمل تشققات 

عند القلي ، وبألف هنا...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

طريقة عمل الفرنش توست حلو وحادق

 

المكونات والمقادير :-

- 4 شرائح من التوست .

- 2 بيضة كاملة .

- 3 ملاعق كبار حليب .

- لو حابين تعملوا بالتوست 

  حشوات حلوة فيها سكر زي

  المربى / قشطة وعسل 

  وغيرهم هنضيف على 

  البيض والحليب فانيليا أما  

  لو حشوات التوست هتكون 

 حادقة هنضيف بدل الفانيليا 

 ملح ورشة من الفلفل الأسود

طريقة التحضير :-

هنخفق البيض مع الحليب 

والفانيليا أو الملح والفلفل 

الأسود بعد كده هنسخن 

طاسة على النار وندهنها 

بمسحة بسيطة من الزيت 

وبعد كده هنجيب شرائح 

التوست هنأخذ أول شريحة 

ونحطها في خليط البيض من 

الناحيتين بحيث البيض 

يغطى التوست من 

الجهتين بعد كده هنرفع 

شريحة التوست ونحطها 

على الطاسة الساخنة 

هنسيب التوست على النار 

لحد ما يبدأ يحمر ويأخذ لون 

بفضل البيض بعد كده هنقلب 

التوست على الجهة الأخرى 

علشان يستوي البيض ويأخذ 

لون لو بتعملوا البيض 

بالفانيليا هتشموا 

ريحة جميلة جداً زي ريحة 

الكيك وفعلاً هو طعم

 لذيذ وريحة رائعة بس 

هنعمل نفس الخطوات مع 

باقي شرائح التوست بعد 

كده نقدر ندهن التوست بأي 

مكونات تختروها وتأكلوا 

أحلى سندويتش، وبألف هنا...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

طريقة عمل البيتزا بكل خطواتها ( عجينة البيتزا + صوص البيتزا + حشوات مختلفة )

 

]

مكونات ومقادير عجينة 

البيتزا :-

- 2 كيلو دقيق جميع 

  الإستعمالات .

- 2 ملعقة كبيرة من الخميرة 

  الفورية .

- 4 ملاعق كبار سكر .

- ربع ملعقة كبيرة من الملح .

- كوب من الحليب البودر .

- كوب من زيت الذرة .

- ماء دافئ ( كمية الماء 

  حسب احتياج العجينة ) .

طريقة تحضير عجينة البيتزا 

:-

هنضيف كل المكونات الجافة 

مع الزيت ونخلطها مع بعض 

كويس بعد كده نبدأ نضيف 

الماء بالتدريج ونعجن لحد ما 

العجينة تصبح ملساء ناعمة 

من غير أي تكتلات من 

الدقيق وتكون طرية سهلة 

في التشكيل ومبتلزقش كده 

تبقى العجينة جاهزة هنسبها 

تخمر ونغطيها كويس علشان 

ماتنشفش وتخمر بشكل

أسرع بعد ما العجينة ما 

تخمر هنبدأ نقسم العجينة 

لأجزاء حسب الحجم اللي 

إحنا عوزينه بنشكلها على 

شكل كور صغيرة أو كبيرة 

حسب الرغبة بعد كده بندهن 

الكور دي من على الوجه فقط 

بمسحة بسيطة جداً من 

الزيت علشان متنشفش 

ونسبهم يخمروا هنبدأ 

بعد كده نفرد كور العجين 

اللي عملناها في البداية 

وتكون خمرت هنفردها بحيث 

العجينة تكون مسطحة 

ملهاش جوانب عالية بعد 

كده بالشوكة هنعمل ثقوب 

بسيطة جداً على العجينة 

بسنون الشوكة الثقوب دي 

بتساعد العجينة انها 

مترتفعش في الفرن بعد 

كده هنفرد صوص البيتزا على 

العجينة بالتساوي وبعد 

مانضيف الصوص نضيف 

الحشو وعليه الجبنة 

الموزاريلا أو خليط من 

الموزاريلا والشيدر وندخلها 

الفرن ، الفرن لازم يكون 

سخن قبل ماندخل 

البيتزا فيه بنسويها على

درجة حرارة 200 مجرد ما 

العجينة تحمر من تحت ممكن 

نشغل الشعلة من فوق علشان 

تسيح الجبنة وتأخذ لون 

خفيف وبكده تكون البيتزا 

جاهزة للتقديم .

مكونات ومقادير صوص 

البيتزا :-

- 7 فصوص ثوم .

- زيت ذرة .

- ملعقة كبيرة من الزعتر 

  الجاف .

- ملعقة كبيرة من السكر .

- ربع ملعقة كبيرة من الملح .

- 5 حبات طماطم مقطعة 

  قطع كبيرة .

- رشة فلفل أسود .

طريقة تحضير صوص البيتزا 

:-

في البداية هنضيف فصوص 

الثوم والزيت على النار لحد 

ما الزيت يسخن بعد كده 

هنضيف الزعتر ونقلبه كويس 

علشان سخونة الزيت هتخلي 

الزيوت العطرية اللي في 

الزعتر تظهر 

وتدي ريحة ونكهة جميلة جداً

 بعد كده هنضيف الطماطم 

والسكر والملح والفلفل 

الأسود ونقلبهم كويس مع 

بعض ونسيبهم على 

النار لحد ما الطماطم تستوي 

تماماً بعد كده 

هنفرم المكونات دي في 

الخلاط علشان يدينا قوام 

ناعم جداً وبكده الصوص 

يكون جاهز للإستخدام .

مكونات ومقادير البيتزا

 بالخضار والمشروم :-

- ربع كيلو مشروم .

- 3 حبات من البصل الأبيض    متوسطين .

- 3 حبات من الفلفل الرومي 

  أخضر أو ألوان حسب

  المتوفر .

- ربع ملعقة صغيرة من 

  الفلفل الأسود .

- ملعقة صغيرة من الملح .

طريقة تحضير حشو البيتزا 

بالخضار والمشروم :-

هنقطع البصل لجوانح 

متوسطة ونقطع الفلفل 

الرومي كمان 

لمكعبات أو جوانح على 

حسب الرغبة بعد كده على 

الجرل أو طاسة هنضيف 

مسحة بسيطة من الزيت 

ونضيف عليها البصل 

والمشروم نسيبهم يسخنوا 

شوية بعد كده هنضيف باقي 

المكونات ونقلبهم مع بعض 

ونسبهم دقائق وبعدها

 نرفعهم من على النار 

وبكده تكون الحشوة جاهزة 

معانا للإستخدام .

تقدروا تستخدموا شرائح

السلامي مع خليط 

 من الأجبان اللي تحبوها 

وتكون حشوة بنكهة أخرى 

مختلفة عن الحشو بالخضار 

والمشروم في البداية هنضيف

 على العجينة بعد فردها

 صوص البيتزا هنوزعها على 

العجينة بعد فردها وبعد كده

 نضيف عليها أي حشو نحبه 

سواء الحشو بالسلامي 

وميكس أجبان أو بالجبنة 

فقط أو بالخضار والمشروم

 الطريقة ثابتة في فرد

 العجينة وبعدين نضيف 

صوص البيتزا وبعدها

 الحشو وعليه بنضيف 

الجبن سواء موزاريلا فقط أو 

موزاريلا وشيدر حسب

 المتوفر والنوع اللي تفضلوه 

 ، وبألف هنا ...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .