طريقة عمل البيتزا بكل خطواتها ( عجينة البيتزا + صوص البيتزا + حشوات مختلفة )

 

]

مكونات ومقادير عجينة 

البيتزا :-

- 2 كيلو دقيق جميع 

  الإستعمالات .

- 2 ملعقة كبيرة من الخميرة 

  الفورية .

- 4 ملاعق كبار سكر .

- ربع ملعقة كبيرة من الملح .

- كوب من الحليب البودر .

- كوب من زيت الذرة .

- ماء دافئ ( كمية الماء 

  حسب احتياج العجينة ) .

طريقة تحضير عجينة البيتزا 

:-

هنضيف كل المكونات الجافة 

مع الزيت ونخلطها مع بعض 

كويس بعد كده نبدأ نضيف 

الماء بالتدريج ونعجن لحد ما 

العجينة تصبح ملساء ناعمة 

من غير أي تكتلات من 

الدقيق وتكون طرية سهلة 

في التشكيل ومبتلزقش كده 

تبقى العجينة جاهزة هنسبها 

تخمر ونغطيها كويس علشان 

ماتنشفش وتخمر بشكل

أسرع بعد ما العجينة ما 

تخمر هنبدأ نقسم العجينة 

لأجزاء حسب الحجم اللي 

إحنا عوزينه بنشكلها على 

شكل كور صغيرة أو كبيرة 

حسب الرغبة بعد كده بندهن 

الكور دي من على الوجه فقط 

بمسحة بسيطة جداً من 

الزيت علشان متنشفش 

ونسبهم يخمروا هنبدأ 

بعد كده نفرد كور العجين 

اللي عملناها في البداية 

وتكون خمرت هنفردها بحيث 

العجينة تكون مسطحة 

ملهاش جوانب عالية بعد 

كده بالشوكة هنعمل ثقوب 

بسيطة جداً على العجينة 

بسنون الشوكة الثقوب دي 

بتساعد العجينة انها 

مترتفعش في الفرن بعد 

كده هنفرد صوص البيتزا على 

العجينة بالتساوي وبعد 

مانضيف الصوص نضيف 

الحشو وعليه الجبنة 

الموزاريلا أو خليط من 

الموزاريلا والشيدر وندخلها 

الفرن ، الفرن لازم يكون 

سخن قبل ماندخل 

البيتزا فيه بنسويها على

درجة حرارة 200 مجرد ما 

العجينة تحمر من تحت ممكن 

نشغل الشعلة من فوق علشان 

تسيح الجبنة وتأخذ لون 

خفيف وبكده تكون البيتزا 

جاهزة للتقديم .

مكونات ومقادير صوص 

البيتزا :-

- 7 فصوص ثوم .

- زيت ذرة .

- ملعقة كبيرة من الزعتر 

  الجاف .

- ملعقة كبيرة من السكر .

- ربع ملعقة كبيرة من الملح .

- 5 حبات طماطم مقطعة 

  قطع كبيرة .

- رشة فلفل أسود .

طريقة تحضير صوص البيتزا 

:-

في البداية هنضيف فصوص 

الثوم والزيت على النار لحد 

ما الزيت يسخن بعد كده 

هنضيف الزعتر ونقلبه كويس 

علشان سخونة الزيت هتخلي 

الزيوت العطرية اللي في 

الزعتر تظهر 

وتدي ريحة ونكهة جميلة جداً

 بعد كده هنضيف الطماطم 

والسكر والملح والفلفل 

الأسود ونقلبهم كويس مع 

بعض ونسيبهم على 

النار لحد ما الطماطم تستوي 

تماماً بعد كده 

هنفرم المكونات دي في 

الخلاط علشان يدينا قوام 

ناعم جداً وبكده الصوص 

يكون جاهز للإستخدام .

مكونات ومقادير البيتزا

 بالخضار والمشروم :-

- ربع كيلو مشروم .

- 3 حبات من البصل الأبيض    متوسطين .

- 3 حبات من الفلفل الرومي 

  أخضر أو ألوان حسب

  المتوفر .

- ربع ملعقة صغيرة من 

  الفلفل الأسود .

- ملعقة صغيرة من الملح .

طريقة تحضير حشو البيتزا 

بالخضار والمشروم :-

هنقطع البصل لجوانح 

متوسطة ونقطع الفلفل 

الرومي كمان 

لمكعبات أو جوانح على 

حسب الرغبة بعد كده على 

الجرل أو طاسة هنضيف 

مسحة بسيطة من الزيت 

ونضيف عليها البصل 

والمشروم نسيبهم يسخنوا 

شوية بعد كده هنضيف باقي 

المكونات ونقلبهم مع بعض 

ونسبهم دقائق وبعدها

 نرفعهم من على النار 

وبكده تكون الحشوة جاهزة 

معانا للإستخدام .

تقدروا تستخدموا شرائح

السلامي مع خليط 

 من الأجبان اللي تحبوها 

وتكون حشوة بنكهة أخرى 

مختلفة عن الحشو بالخضار 

والمشروم في البداية هنضيف

 على العجينة بعد فردها

 صوص البيتزا هنوزعها على 

العجينة بعد فردها وبعد كده

 نضيف عليها أي حشو نحبه 

سواء الحشو بالسلامي 

وميكس أجبان أو بالجبنة 

فقط أو بالخضار والمشروم

 الطريقة ثابتة في فرد

 العجينة وبعدين نضيف 

صوص البيتزا وبعدها

 الحشو وعليه بنضيف 

الجبن سواء موزاريلا فقط أو 

موزاريلا وشيدر حسب

 المتوفر والنوع اللي تفضلوه 

 ، وبألف هنا ...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

لمة عيد الأضحى تحلى بالفتة المصرية أحلى وألذ طعم للفتة

 

المكون الأساسي في الوصفة 

:-

- مرقة اللحم .

مكونات ومقادير صوص 

الفتة :-

- 6 حبات متوسطين من 

  الطماطم معصورين .

- ملعقة كبيرة من الثوم 

  المفروم .

- ملعقة كبيرة ونصف من 

 السمنة أو زيت حسب الرغبة.

- نصف ملعقة صغيرة من 

  الفلفل الأسود .

- ملعقة صغيرة من الكمون .

- ملعقة صغيرة من السكر .

- ملعقة صغيرة من هريسة 

  الشطة .  

- ملعقة صغيرة من الكزبرة 

   الجافة .

- 2 ملعقة كبيرة من الخل .

- كمية الملح حسب الرغبة .

طريقة تحضير صوص الفتة :-

هنضيف السمنة على النار 

ونضيف عليها الثوم المفروم 

مع الكزبرة ونقلب لحد ما 

الثوم يبدأ يبقى لونه ذهبي 

بعد كده هنضيف الخل وخلوا 

بالكم ان النار تكون هادئة 

علشان الخل بيطلع بخار كتير 

وبعد كده هنضيف عليه 

عصير الطماطم مع 

الكمون والهريسة والفلفل 

الأسود والسكر ونقلب 

المكونات مع بعض كويس 

ونعلي النار شوية لحد ما 

الصوص يغلي بعد كده 

نضيف الملح ونهدي النار 

شوية ونسيب الصوص 

يتسبك يعني يستوي .

مكونات ومقادير الفتة 

( العيش / الخبز ) :-

- ملعقتين كبار من السمن أو  

  زيت وزبدة حسب الرغبة .

- 2 ملعقة كبيرة من الثوم 

  المفروم .

- نصف ملعقة صغيرة من 

  الفلفل الأسود .

- ملعقة صغيرة من الكمون .

- 3 ملاعق كبار من الخل .

- 2 مكعب مرق دجاج أو لحم.

- 5 أرغفة من العيش / الخبز 

  المصري محمص في الفرن .

طريقة تحضير فتة العيش :-

هنضيف السمنة والثوم على 

النار هنقلب الثوم كويس لما 

تبدأ تظهر ريحة الثوم ويذبل 

شوية بعد كده هنضيف 

الكمون والفلفل الأسود 

ومكعبات المرق ونقلبهم 

كويس جداً ونضيف عليهم 

الخل بعد كده هنضيف 

العيش المحمص العيش 

بنحمصه في الفرن 

بنظف الرغيف من الردة على 

قد ما نقدر وندخل الأرغفة 

للفرن علشان يتحمص 

بنحمصه من الوجهين وبعد 

كده بنكسره لقطع 

صغيرة هنضيف العيش للثوم 

والخل ونقلبهم كويس ونبدأ 

نضيف المرق بنسقي العيش 

بالمرقة لحد ما العيش يطرى 

بس ما تضيفوش مرقة زيادة 

علشان العيش ما يبوش 

ويبقى طري زيادة عن اللزوم 

بعد كده هنسيبه على النار 

شوية يشرب المرقة وينشف 

بعد كده يكون جاهز .

مكونات ومقادير الأرز :-

- زيت ذرة و 3 مكعبات من 

  الزبدة .

- 2 ورقة غار .

- 2 كوب من الأرز المصري .

- ملح .

طريقة تحضير الأرز :-

هنضيف الزيت والزبدة وورق 

الغار ونقلبهم لحد ما ورق 

الغار تبدأ ريحته تظهر 

وبعدها هنضيف الأرز ونقلبهم 

كويس لحد ما ينشف من 

الماء اللي كان مغسول بيه 

بعد كده هنضيف عليه 

كمية من مرقة اللحمة كمية 

تكون مناسبة لتسويته 

ونسيبه يغلي كويس بعد كده 

نشوف الحدق ونضيف كمية 

الملح المناسبة ونهدي عليه 

النار تماماً علشان يستوي من 

غير ما يلزق أو يشيط

ونسيبه لحد ما يشرب كمية 

المرق وبكده يكون جاهز 

للأكلتقدروا تقدموا الفتة في 

طبق كبير للتقديم تضيفوا 

في الأول طبقة من فتة 

العيش وعليها طبقة من الأرز 

وتزينوا الطبق بالصوص 

وقطع اللحم حسب الرغبة ، 

وبألف هنا ...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

مشترياتي من الكتب أونلاين من موقع عصير الكتب

 

بما إن القراءة من الهوايات 

المفضلة عندي مع إني مش 

بقرأ بكثرة بس بحب اقرأ من 

فترة للتانية وبما إن معرض 

القاهرة الدولي للكتاب بدأ من 

فترة حبيت أشتري كام كتاب 

كنت حابة اقرأهم بس 

مقدرتش أروح المعرض 

فقررت اشتري الكتب دي 

أونلاين ، اخترت موقع إسمه 

عصير الكتب وهو في 

الأساس دار نشر وتوزيع وفي 

نفس الوقت عندهم مكتبة 

متنوعة من الكتب 

في مختلف المجالات ولدور 

نشر مختلفة مصرية وعربية 

عندهم فروع في ثلاث 

محافظات فقط في

المنصورة والزقازيق 

والإسكندرية ، موقعهم مش 

بس لبيع الكتب لأ كمان 

عندهم نسخ Pdf لبعض من 

الكتب بعد موافقة دار النشر 

الخاصة بكل كتاب ، كمان 

عندهم نوت بوك بأشكال 

وألوان مختلفة وغيرها 

من المنتجات اللي تنفع كمان 

كهدية مميزة ، وليهم أكثر من 

جناح  مشاركين بهم في 

معرض القاهرة الدولي 

للكتاب ، عندهم كتب متنوعة 

ترضي جميع الأذواق والأعمار 

كمان بيقدموا بعض 

الكتب الخاصة بمكتبة جرير 

هتلاقوا عندهم نسخ أصلية 

لكتب جرير خاصةً إن للأسف 

انتشرت كتير من جروبات 

وصفحات الفيسبوك اللي 

بتروج وبتبيع كتب غير 

أصلية وبتعترف بده 

عادي جداً للأسف بدون أي 

إعتبار لا لقوانين ولا لدار 

النشر والكاتب ، إشتريت من 

على الموقع 3 كتب 

هم ثلاثية غرناطة و 

قواعد العشق الأربعون و 

كتاب علم النفس للأشخاص 

المشغولين ، الكتب وصلتني 

خلال 3 أيام عن طريق شركة 

أرامكس ومدفعتش شحن 

لأن المشتريات فوق 250 

بتأخذ شحن مجاني وده كان 

عرض حالياً الشراء فوق 500 

جنيه الشحن بيكون مجاني ، 

عجبني جداً إهتمامهم بتغليف 

الكتب كانت مغلفة 

بالبابلز رول ومحطوطين في 

شنطة بلاستيك شفافة عليها 

شعار عصير الكتب  حسيت 

إني زرتالمعرض وإشتريت 

الكتب من هناك كمان كان في 

بطاقةزي Bookmark 

عليها  صورة الكاتب الراحل 

أحمد خالد توفيق ومكتوب 

مقولةخاصة بيه حبيت اللافتة 

الإنسانية دي منهم ، موقعهم 

سهل جداً في إستخدامه 

وبسيط وحالياً هما عاملين 

تخفيضات على الكتب 

بمناسبة المعرض وبيعملوا 

الخصومات دي في أوقات 

مختلفة من السنة ، حبيت 

تجربتي في شراء الكتب من 

خلالهم وأتمنى يكون 

ليهم في المستقبل فروع في 

جميع المحافظات وأخر 

حاجة قبل ما أنسى متوفر 

عندهم خدمة الشحن خارج 

مصر ومتوفر خدمة 

الدفع عند الإستلام ، تجربتي 

معاهم كانت جيدةبالنسبالي ، 

عملت فيديو عن التجربة دي 

فيها تفاصيل أكثر عن 

التجربةوعن الكتب 

أتمنى تشاهدوه 😊

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

طريقة عمل الايسكريم بالمهلبية والكريم شانتيه

 

المكونات والمقادير :-

- لتر حليب كامل الدسم .

- 3ملاعق كبار من نشا الذرة .

- 3 ملاعق كبار من السكر .

- ملعقة صغيرة من الفانيليا .

لعمل الكريم شانتيه هنحتاج 

:-

- 10 ملاعق كبار من الكريم 

  شانتيه البودره المحلاه .

- 400 ملي من الحليب كامل 

  الدسم .

للنكهات :-

- حوالي 10 حبات من 

  الفراولة المجمدة المفرومة .

- حبات من المانجو المجمدة 

   المفرومة .

- نكهة الكراميل .

طريقة التحضير :-

هنبدأ الأول بتجهيز المهلبية 

هنضيف كل المكونات اللي 

ذكرتها الحليب والسكر والنشا 

ما عدا الفانيلياونقلب 

المكونات على البارد لحد ما 

نتأكد ان النشا ذاب واختلط 

مع الحليب بعد كده هنرفع 

الخليط على نار هادئة 

ونستمر في التقليب ونخلي 

بالنا علشان المهلبية متلزقش 

في أسفل الوعاء اللي 

بنطبخها فيه هنستمر في 

التقليب كل فترة لحد ما 

المهلبية تبدأ تغلي هنسيبها 

تغلي كويس ونستمر في 

التقليب لحد ما نلاحظ 

ان القوام أصبح سميك بعد 

الغليان هنضيف الفانيليا 

ونقلبهم كويس مع بعض بعد 

كده نطفي عليها ونرفعها من 

على النار ونسبها تبرد تماماً ، 

بعد كده هنفرم الفاكهة 

المتوفرة عندنا تكون 

طرية بس مش سايحة تماما 

يعني تكون محتفظة بالبرودة 

ممكن تفرموها في الخلاط أو 

الكبة ( محضرة الطعام ) بعد 

الفرم هنرجعها للثلاجة تاني 

علشان تفضل باردة ، بعد كده 

هنجهز الكريم شانتيه أنا 

استخدمت الخلاط ضفت فيه 

بودرة الكريم شانتيه مع 

الحليب المثلج لازم يكون 

بارد بس مش لدرجة التجمد 

بعد ما الكريمة تتقل هنحتفظ 

بيها في الثلاجة شوية على 

ما المهلبية تكون بردت تماماً 

، بعد كده هنقلب المهلبية مع 

الكريمة بس منقلبش كتير 

علشان الكريمة لا تذوب بعد 

كده هنقسم الخليط 

ده ونضيف ليه النكهات اللي 

حابينها سواء فاكهة أو كاكاو 

خام غير مر ، لنكهة الكراميل 

ممكن تستخدموا صوص 

الكراميل الجاهز بعد كده 

هنعبي الايس كريم في علب 

حفظ الطعام ونحفظه 

في الفريزر يوم كامل قبل 

التقديم وبألف هنا ...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .