طريقة عمل كيكة قدرة قادر بالكريم كراميل البيتي مش الجاهز طريقة حلوة ولذيذة جداً

كيكة قدرة قادر من الحلويات 

المميزة خليط ما بين الكريم 

كراميل وكيكة الشوكولاتة 

اللذيذة طبق مميز هتحبوا 

تعملوه دايماً في المناسبات 

المختلفة طريقتها سهلة جداً 

وبسيطة أتمنى تعجبكم .

لعمل الكريم كراميل هنحتاج 

:-

- 2 كوب من الحليب البودرة .

- 2 كوب ماء .

- 2 بيضة كاملة .

- كوب سكر .

- 5 جرام فانيليا .

طريقة تحضير الكريم 

كراميل :-

هنسخن نصف كمية الماء 

على النار ونضيف ليه السكر 

ونخليه يذوب كويس بعد 

مايذوب السكر هنرفعه من 

على النار ونضيف باقي كمية 

الماء علشان تبرد الماء شوية 

بعد كده هنصب الماء المذاب 

فيه السكر على الحليب البودر 

ونقلبهم كويس لحد ما الحليب 

يذوب ويندمج مع الماء 

بعدها هنضيف البيض والفاني

ليا ونخلطهم كويس جداً مع 

باقي المكونات هنسيب 

الخليط ده شوية على ما 

نجهز باقي الوصفة هنحتاج 

كمان نعمل صوص كراميل 

هنضيف حوالي 6 معالق كبار 

من السكر و نسيبه على النار 

لحد مايسيح تماماً ويكرمل 

ويصبح لونه بني فاتح لازم 

السكر لونه يكون فاتح لانه لو 

أصبح غامق طعمه هيكون 

فيه مرارةويفضل عمل 

صوص الكراميل في أخر 

خطوة لأنهلما بيبرد بيجمد

 وبيحتاج تسييح تاني . 

مقادير ومكونات خليط 

الكيك :-

- كوب دقيق .

- نصف كوب زيت .

- نصف كوب حليب .

- نصف كوب كاكاو .

- 3 ملاعق صغيرة من 

البيكنج بودر .

- كوب سكر .

- 2 بيضة كاملة .

- ملعقة صغيرة فانيليا أو     

بشر برتقال .

طريقة تحضير الكيك :-

في البداية هنخلط السكر مع 

البيض والفانيليا ونضربهم 

كويس بالمضرب الكهربائي أو 

في الخلاط لحد ما الخليط 

يبقى لونه أبيض بعدها 

هنضيف باقي المكونات 

السائلة ونخلطهم مع بعض 

بعد كده هنضيف للخليط 

الدقيق المنخول والبيكنج 

بودر وكمان هننخل الكاكاو 

ونخلط كل المكونات مع 

بعض كويس لحد ما قوام 

الخليط يكون مناسب بحيث 

يكون زي الشريط واحنا 

بنقلب وميقطعش .

طريقة التحضير في الفرن :-

هنختار قالب الكيك اللي 

هنعمل فيه الكيكة بتاعتنا 

ولازم يكون في صينية القالب 

ده بيدخل فيها علشان 

هنسخن مياه ونصبها في 

الصينية ونحط قالب الكيك 

فيها والميه لازم تكون واصلة 

لقالب الكيك من تحت بعد 

كده هنصب صوص الكراميل 

في القالب وبعدين نصب 

عليه خليط الكريم كراميل 

ونصب بعدها خليط الكيك 

كله فوق بعض ومتقلقوش 

لأن الخليط ده وبقدرة قادر 

عند تسويته في الفرن 

هيفصل ويعملنا طبقات 

منفصلة وده سبب 

تسميتها بهذا الإسم قدرة 

قادر هنسبها في الفرن في 

وسط الفرن على درجة 

حرارة 180 لو الفرن بتاعكم 

مظبوط وشعلته كويسة 

لو شعلته ضعيفة ممكن 

تزودوا درجة الحرارة شوية 

وهي بتحتاج مابين 40 – 45 

دقيقة في الفرن على حسب 

كل فرن وظروفه بس بعد ما 

تخرج من الفرن هنسبها ترتاح 

وتبرد تماماً وبعد كده نقلبها 

في طبق التقديم واتفرجوا 

بقىعلى شكلها الجميل

 وصوص الكراميل نازل عليها 

حاجة رائعة تستاهل 

تجربوها وبألف هنا ...

طريقة الوصفة موجودة في 

الفيديو بشكل أوضح ⬇

 

طريقة عمل عصير التمر هندي بالكركديه منعش ولذيذ 👌

 

مشروب التمر هندي من 

المشروبات اللذيذة والمفيدة 

يعني طعم وفائدة مش مجرد 

عصير بيتشرب وخلاص النهار

دة حبيت اشارك طريقته 

وتجربتي مع عمل عصير 

التمر هندي بالكركديهأتمنى 

يعجبكم .

فوائد التمرهندي :-

غنيبالكالسيوموالماغنييسيوم 

والحديد والصوديوم 

وفيتامين B3 .

ملحوظة :-

عصير التمر هندي بيرفع 

الضغط شوية فلازم الحظر 

عند تناوله خاصةً لمرضى 

الضغط المرتفع .

المكونات والمقادير :-

-400 جرام من التمر هندي 

الطبيعي .

-أوراق الكركديه 

بتضيف لون أحمر وطعم 

مميز مع التمر هندي .

-لتر من الماء المغلي .

-كوب وربع من السكر .

طريقة التحضير :-

هنقطع التمر هندي لقطع 

صغيرة و في الماء المغلي 

هنضيف التمر هندي وننقعه 

في الماء لمدة ربع ساعة فقط 

من غير ما يكون على النار 

بعد الربع ساعة نضع الوعاء 

اللي فيه الماء المغلي والتمر

هندي على النار ونضيف 

شوية من أوراق الكركديه 

بحجم كف الإيد ونعلي النار 

في البداية لحد ما يغلي بعد 

كده هنسيبه على نار 

متوسطةعلشان الماء 

ميتبخرشبسرعة هنسيب 

التمر هندي على النار لحد ما 

يدوب والقوام بتاع الماء 

يكون ثقيل شوية زي 

العصائر المركزة الجاهزة 

وبنخففها بالماء بعد ما يدوب 

في الماء هنرفعه من على 

النار ونصفيه على طول 

متسبهوش في الحلة أو وعاء 

الطبخ وتصفوه بعد فترة لأن 

لو عملتوا كده هتلاقوا بقايا 

التمر هندي شربت الماء 

وتخنت ومش هتلاقوا عصير 

كافي علشان تصفوه لازم 

العصير يتصفى على طول 

بعد رفعه من على النار في 

طبق عميق هنضيف السكر 

ونصفي العصير عليه بمصفى 

سلك تكون ضيقة بعد ما 

نصفيالعصير هندوب السكر 

ونقلبه كويس بعد كده تقدروا 

تحتفظوا بالعصير في 

زجاجات وتحفظوه في 

الثلاجة حتى وقت التقديم 

وممكن يفضل محتفظ 

بطعمه اللذيذ لمدة اسبوع 

يفضل إنكوا متسبهوش في 

الثلاجة أكثر من كده ، عند 

التقديم ممكن تضيفوا 

في الكاسات سكر حسب 

الرغبة وتضيفوا من العصير 

حوالي ربع الكأس فقط 

علشان ميبقاش طعمه قوي 

ولاذع وباقي الكأس تضيفوا 

عليه ماء بارد ويتقلب مع 

بعض كويس هتحصلوا على 

مذاق لذيذ وفائدة عالية ، 

وبألف هنا .

فيديو بيوضح الطريقة بشكل 

أفضل 👇

بديل الفرنش بريس / تحضير اللاتيه بكل سهولة في البيت ( French press coffee maker)

تحضير اللاتيه بكل سهولة في البيت من

 غير أجهزة وأدوات كتير وتكلفة تقدروا

بأداةواحدةبسيطةوغير مكلفة تحضروا 

رغوة النسكافيه وتعملوا أحلى طبقات 

للكوفيلاتيه بكل سهولة وتكلفة بسيطة 

جداً .

صورة للمضرب اللي إستخدمته

تقدروا تلاقوه في محلات المستلزمات 

المنزلية وأدوات المطبخ أو مواقع 

البيع الأونلاين

فيديو لطريقة التحضير و طريقة 

استخدام المضرب ⬇

طريقة عمل الأرز المعمر بطريقة بسيطة وطعم لذيذ جداً

أكلات الأرز لا تعد ولا تحصى الوصفات 

اللي بتحتوي على الأرز متنوعة وفي 

منهاالحلو والحادق وصفة النهاردة 

هتكون عن طريقة الأرز المعمر الحلو 

بالسكر والحليب والزبدة طريقتها 

بسيطة تقدروا تعملوها بكل سهولة،آن 

شاء الله الوصفة تنال إعجابكم .

 

المكونات والمقادير :-

- كيلو إلا ربع من الأرز المصري .

- 6 ملاعق كبيرة من السكر .

- لتر ونصف من الحليب .

- رشة ملح .

- 5 جرام فانيليا .

- 100 جرام قشطة .

- 4 ملاعق كبار من الزبدة الطرية .

- ملعقة كبيرة زيت ذرة .

طريقة التحضير :-

في البدايه هنغسل الأرز ونصفيه 

كويس بعد كده في صينية أو طاجن 

هنضيف الأرز ونضيف ليه الزبدة 

والزيت هنخلطهم مع بعض كويس لحد 

ما الزبدة تندمج مع الأرز بعد كده 

هنضيف الفانيليا والحليب والسكر 

ونقلبهم مع بعض هنسيب الأرز منقوع 

في الحليب شوية لمدة ساعة تخلي 

الأرز يشرب من الحليب والزبدة ويطري 

الأرز من غير ما حبة الأرز تتأثر بدون ما 

تتكسر ولا حاجة بعد عملية النقع 

هنضيف القشطة وممكن نخلي شوية 

منها على جنب هنحتاجه بعد كده بعد 

ما نضيف القشطة هنقلب المكونات 

شوية وندخل الصينية للفرن ونشغل 

الفرن لازم تكون درجة الحرارة عالية 

في البداية لحد ما الحليب يغلي بعد 

كده تخفضوا درجة الحرارة بعد ما 

الأرز يشرب الحليب ويبدأ يحمر من 

الأطراف بعد كده هنشغل عليه الشواية 

علشان نحمر الصينية من فوق هنا 

نضيف باقي القشطة على الارز من فوق 

ونوزعها عليها بالتساوي بس من غير 

منقلب الأرز هنمسح القشطة على الأرز 

فقط بدون تقليب بعد ما يحمر 

وتكتمل تسويته هنطلعه من الفرن و 

نغطيه بورق قصدير علشان يحتفظ 

بالسخونة وكمان يطري الأرز من فوق 

علشان التحمير بينشفه شويه .

وبألف هنا ...

ده فيديو عن الوصفة بشكل أوضح ⬇

طريقة عمل كيك بالفراولة وكريمة الزبدة بطريقة سهلة وبسيطة

 

كيك الفراولة

الكيك من ألذ الحلويات اللي بنحب 

دائماً نعملها في كل المناسبات أو حتى 

نأكلها على الفطارمع الشاي أو القهوة 

موضوع النهاردة هيكون عن طريقة 

عملكيك بالفراولةهشة و طعمها لذيذ و 

بمكونات بسيطةو ممكنتزينوهابكريمة

الزبدة .

المكونات و المقادير :-

- 3 أكواب من الدقيق الأبيض المنخول 

- كوب و ربع من زيت الذرة .

- كوب من الحليب .

- كيس من الفانيليا حوالي 2 جرام .

- كيس من كيك شيف عبارة عن بيكينج 

   بودر و محسن كيك حوالي 27 جرام .

- 3 بيضات كاملة .

- كوب وربع من السكر .

- 9 حبات كبار من الفراولة . 

جميع المكونات لازم تكون بدرجة 

حرارة الغرفة يعني منستخدمش 

مكونات من الثلاجة مباشرة لعملالكيك 

طريقة التحضير :-

نخلط البيض مع 

السكر والفانيليا بالمضرب الكهربائي أو 

الخلاط أولاً لغاية ما يتغير لون الخليط 

يصبح لونه أبيض بعدين نضيف الزيت 

و الحليب و نخلطهم مع بعض لدقائق و 

بعدين نضيف الدقيق المنخولمع 

الكيكشيف ونضرب المكونات مع بعض 

بالمضرب الكهربائي لغاية ما الدقيق 

يندمج مع المكونات كويس و تكون كل 

المكونات مندمجة مع بعضها ، حبات 

الفراولة هنفرمها في الكبة بدون ما 

نضيف ليها مياه علشان متكونش سائلة 

زي العصير يبقى فيها قطع متكونش 

ناعمة تماماً هنضيف الفراولة لخليط 

الكيك ونقلب بهدوء في اتجاه واحد 

بعد كده هنحضر القالب الخاص 

بخبزالكيك وندهنه بالزبدة و نوزع 

الزبدة كويس في كل اتجاه و نرش 

عليها شوية دقيق و نوزعه كويس و 

ننفض الدقيق الزائد و ونرميه الدقيق 

هيساعد في عدم التصاق الكيك بعد 

كده هنسخن الفرن على درجة حرارة

180 – 200 درجة ولازم الفرن يكون 

سخن قبل ما ندخل الكيك للفرن هنحط 

قالب الكيك في نصف الفرن ونسيبه 

ثلث ساعة من غير ما نفتح الفرن أبداً 

علشان الكيك ما يهبطش بعد الثلث 

ساعة ممكن نفتح على الكيك علشان 

نتأكد من تسويته بخلة الأسنان ممكن 

نغرزها في الكيك من المنتصف من فوق 

و نطلعها اذا الخلة كانت ناشفة يبقى 

الكيك استوى اما اذا طلع فيها خليط 

من الكيك يبقى لسه محتاجة تسوية 

بعد ما تكتمل تسويتها هنطفي عليها 

ونسبها شوية في الفرن دقائق علشان 

نتأكد انها مش هتهبط و تفضل 

بمحافظة على ارتفاعها .

مكونات ومقادير كريمة الزبدة :-

- 200 جرام من الزبدة الطرية بحرارة 

  الغرفة

- كوب من السكر البودر

- 3 حبات من الفراولة

طريقة تحضير الكريمة :-

هنضرب الزبدة مع السكر 

جيداً بالمضرب الكهربائي لحد ما 

الخليط يكون مندمج ومتماسك بعد 

كده هنكون فارمين حبات الفراولة في 

الكبة فرم ناعم ونخلطها مع الكريمة و 

بكده الكريمة تكون جاهزة لتزيين 

الكيك ممكن تقسموا الكيك لنصفين 

وندهن الكريمة من الداخل والخارج .

فيديو لطريقة عمل الكيكة و الكريمة 

             بشكل أوضح ⬇

               و بألف هنا ...