طريقة عمل محشي الكوسة وورق العنب بالأرز واللحمة المفرومة

 

المقادير  :-

- 2 كيلو كوسة .

- ورق عنب .

- 8 حبات من الطماطم متوسطة الحجم معصورين .

- 3 حبات كبار من البصل مفرومين .

- 8 فصوص ثوم صغيرين مفرومين .

- نصف كيلو من اللحمة المفرومة .

- ربطة صغيرة من  ( الكزبرة / الشبت ) .

- ملعقة صغيرة سكر .

- ربع ملعقة صغيرة قرفة ناعمة .

- نصف ملعقة صغيرة من بهارات اللحمة .

- ملعقة صغيرة من الكمون .

- ملعقة صغيرة من البابريكا .

- ربع ملعقة صغيرة من الفلفل الأسود .

- ملح .

- 2 مكعب مرق .

- 1 كيلو أرز مصري .

- مرق لتسوية المحشي .

- زيت .

 

 التحضير :-

هنفرم الثوم ثم البصل كل نوع لوحده بعد كده على النار هنسخن زيت ذرة ونضيف عليها البصل المفروم هنقلب البصل ونسيبه لحد ما يذبل بعد كده هنضيف اللحمة المفرومة ونبدأ نفككها من بعضها وإحنا بنقلبها مع البصل نسيبها لحد ما اللون الوردي يتغير واللحمة تسمر شوية بعد كده هنضيف البهار 

( البابريكا / القرفة / الفلفل الأسود / بهار اللحمة ) ونقلبهم بشكل جيد مع اللحمة هنسيب اللحمة شوية على النار لحد ما تكون ناعمة تماماً ومفيهاش تكتلات بعد كده هنضيف الملح وعصير الطماطم والسكر على اللحمة ونقلبهم مع بعض هنسيب الطماطم تغلي وبعد كده هنضيف نصف كمية الخضرة المقطعة تقطيع متوسط 

( الكزبرة / الشبت ) والثوم ونقلبهم مع باقي المكونات ونسيبهم لحد ما الطماطم تستوي وتتسبك بعد كده نضيف الأرز والكمون  وباقي كمية الخضار المفروم ونقلب كل المكونات مع بعض بشكل جيد لحد ما المكونات تتداخل وتتجانس مع بعضها هنسيب المكونات على النار لمدة وبعد كده هنرفعها من على النار لحد ما تبرد وبعد كده نبدأ نحشي الكوسة وورق العنب وممكن كمان تحشوا بنفس الخلطة الفلفل الرومي بيبقى حلو كمان بالخلطة دي بعد ما نرص الكوسة في الحلة ( إناء الطهي ) ممكن نضيف على الوجه مكعب مرق بالنوع اللي تختاروه نفركه على كمية المحشي كلها على الوجه ونسقي المحشي بشوربة المرق سواء كانت دجاج أو بط أو لحمة هنضيف كمية من المرق تكفي لتسوية المحشي كذلك مع ورق العنب بس في ورق العنب ممكن بعد ما نملى الحلة لنصفها نفرك عليها مكعب مرق بشكل متساوي وبعدين نكمل رص باقي ورق العنب في الحلة ونسقيه بعد ما نخلص رص بكمية مناسبة من المرق لتسويته حاولوا وأنتم بتضيفوا المرق لورق العنب إنكم توزعوه في كل الاتجاهات وتحركوا الحلة وتهزوها شوية علشان المرق يتوغل لكل الطبقات ويستوي بشكل جيد ، وبألف هنا...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

أسرع بيتزا ممكن تعملوها بيتزا التوست بسيطة ولذيذة جداً 👌

 

المكونات والمقادير :-

- 7 شرائح من التوست .

  ( الكمية دي تكفي لفردين )

- 4 أصابع من النقانق .

  ( هوت دوج )

- بصلة صغيرة مفرومة .

- 3 بيضات .

- 3 ملاعق كبار حليب .

- فلفل أسود .

- ملح .

- كاتشب ⬇

 أو صوص بيتزا أو صوص باربيكيو حسب المتوفر .

- جبنة موزاريلا وشيدر .

طريقة التحضير :-

هنبدأ بالبصل المفروم نسخن طاسة فيها شوية زيت ونضع عليه البصل لو حابين تحمروا البصل شوية هنسيبه على النار ونقلب من وقت للأخر لحد ما يبدأ يأخذ لون ذهبي بعد كده هنضيف عليه النقانق ( تقطع أصابع النقانق لدوائر متوسطة الحجم ) هنقلب النقانق مع البصل ونسيبها لحد ماتحمر والبصل يبقى ذهبي أما لوحابين البصل يذبل فقط على النار من غير ما يأخذ لون يبقى تضيفوا النقانق مع البصل من البداية علشان النقان تحمر والبصل يفضل أبيض ، بعد كده هنجهز طبقة التوست البديلة لعجينة البيتزا هنقطع شرائح التوست لمكعبات متوسطة ومتساوية الحجم بعد كده هنجهز خليط البيض هنضيف عليه الحليب بيكون ممتاز مع البيض وبيشيل زفارة البيض ونضيف رشة فلفل أسود وملح ونخفق البيض جيداً بعد كده في طبق عميق نضيف التوست ونصب عليه البيض المخفوق ونقلب التوست مع البيض لحد ما التوست يتشرب البيض كله بعد كده هنجيب طاسة ونوزع عليها التوست بشكل جيد

 البيض هيخلي التوست يتماسك مع بعضه ولما يستوي على النار طبقة التوست هتبقى قرص متماسك بعد ما وزعنا طبقة التوست في الطاسة هنجيب أي صوص جاهز ممكن نستخدم الكاتشب كبديل لصوص البيتزا أو صوص الباربيكيو اللي أنا عن نفسي استخدمته في الوصفة وكان طعمه لذيذ جداً ، هنبدأ بفرشة نوزع الصوص على التوست وعلى أطراف التوست بعد كده هنضيف طبقة بسيطة من الجبنة وبعدها بنضيف النقانق والبصل ونرجع نضيف طبقة ثانية من الجبنة فوق حشوة البيتزا ( النقانق والبصل ) وممكن نوزع شوية من الصوص اللي استخدمناه قبل كده نوزعه على الجبنة من فوق بيدي طعم أقوى وأحلى للبيتزا ، بعد كده هنضع الطاسة على النار على درجة حرارة منخفضة ونغطي عليها علشان تسخن من فوق والجبنة تسيح ، لازم تخلوا بالكم لأنها مش هتحتاج وقت كبير على النار مجرد ما طبقة التوست تحمر من تحت والجبنة تسيح إرفعوها على طول علشان البيض ما بيستحملش وممكن التوست يغمق أكثر ، وبكده تكونوا حضرتوا أسرع وأسهل بيتزا بطعم لذيذ جداً وطرية جداً جداً وكمان أطراف التوست بتبقى مقرمشة ولذيذة ، وممكن تعملوها بحشوات مختلفة زي اللحمة المعصجة أو شرائح الدجاج أو بالتونة تقدروا تعملوها بحشوات مختلفة وتبدعوا ، وبألف هنا...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

طريقة عمل صوص الباربيكيو + صدور دجاج و خضار مشوي + مكرونة بصوص الطماطم والكريمة 👌

 

مكونات ومقادير صوص الباربيكيو :-

- كوب إلا ربع من الكاتشب 

  مخفف بربع كوب ماء .

- ربع كوب من الخل الأبيض أو خل التفاح وممكن تستخدموا 

  كمية أقل من الخل حسب الرغبة .

- 2 ملعقة كبيرة من العسل الأسود .

- ملعقة كبيرة من المستردة .

- ربع كوب من السكر البني .

- ملعقة صغيرة من الملح .

- نصف ملعقة صغيرة من( الكمون/ ثوم بودر/ كركم/  بابريكا ) 

- ربع ملعقة صغيرة من الفلفل الأسود .

طريقة تحضير صوص الباربيكيو:-

هنخلط كل المكونات اللي ذكرتها ونقلبهم في البداية على البارد بعد كده 

هنضعهم على نار متوسطة هنسيب المكونات لحد الغليان ونقلب 

فيهم كويس جداً علشان المكونات تندمج وتذوب تماماً هنسيب الصوص على 

النار يغلي مرتين ثلاثة فقط هنلاحظ إن لونه أصبح غامق 

وقوامه أصبح أثقل زي الصوص الجاهز بعد كده هنرفعه من على النار ونسيبه 

لحد ما يبرد تماما ًعلشان نقدرنتبل بيه الدجاج .

طريقة تحضير الدجاج المشوي:-

هنحتاج صدور دجاج الكمية حسب الرغبة تكون مقطعة

 قطع متوسطة الحجم من حيث السمك وتكون القطع

 بالطول زي البانيه بس تكون أتخن شوية في السمك 

علشان تستحمل الشوي وتكون طرية مش ناشفة وفي نفس

 الوقت تستوي بسرعة، هنتبل صدور الدجاج بصوص

 الباربيكيو بنأخذ ملعقتين من الصوص ونضعهم في الطبق

 اللي هنتبل فيه ونبدأ نضيف صدور الدجاج قطعة قطعة 

كل ما نحس إن الصوص بيقل نضيف كمية بالملعقة ونتبل

 باقي قطع صدور الدجاج كويس من الجهتين ونخليهم

 مفرودين في الطبق وبعد كده نقدر نحفظهم في الثلاجة

 لثاني يوم ، عند بدء الشوي لازم نسخن الشواية أو الطاسة 

على النار كويس جداً والزيت يكون سخن بعد كده

 نضع قطع الدجاج ، السخونة مطلوبة علشان الفراخ تفضل

 محتفظة بعصارتها متنزلهاش وتبقى ناشفة السخونة

 بتخافظ عليها علشان تفضل طرية وتستوي بسرعة 

 هنشوي الصدور من الجهتين ولما يأخذوا اللون المطلوب

 ويستوا نرفعهم من على النار ، ونقدر نقدم معاهم باقي

 الصوص علشان نغمس بيه أو نضيف منه على الأكل أو

 تحتفظوا بيه في علبة محكمة الغلق وتضيفوا شوية

 زيت طعام على الوجه وتتركوه في الثلاجة لحين

 إستخدامه مرة أخرى أو في الفريزر لو حابين 

 تحتفظوا بيه وقت أطول .

طريقة شوي الخضار المشكل :-

تقدروا تستخدموا الخضار اللي بتحبوه أنا إستخدمت في الوصفةدي الفاصوليا 

والجزر والكوسة والبطاطس تقدروا تستخدموا كمان الباذنجان وأعواد الذرة 

الصفراء ، كل اللي هتعملوه هتغسلوا الخضار كويس جداً وتنقعوه

 في ماء وخل لدقائق وتصفوه كويس بعد كده نقشر الجزر والبطاطس ونشيل 

من الكوسة الجزء اللي فوق والجزء الأصفر اللي بيكون موجود فيها من تحت 

والفاصوليا بنشيل بس مكان العنقود من فوق وتحت ونسيبها زي ماهيه

بنفس الطول دون تقطيع أما باقي الخضار ممكن نقطعه مكعبات أو أصابع 

متوسطة الحجم علشان تستوي بشكل أسهل ، هنشويهم عادي على الجريل أو 

الطاسة هنضيف مكعب زبدة مع شوية زيت ونسخنهم بعد كده هنضيف

 الخضار ونقلب فيه لحد ما يستوي ، الفاصوليا والجزر ما بيأخذوش وقت كبير 

زي البطاطس كمان الكوسةبتستوي أسرع من البطاطس فممكن تخلوا كل نوع 

لوحده أو تشوا الخضار كله مع بعض وكل ما نوع منهم يستوي ترفعوه من على 

النار .

مكونات ومقادير المكرونة

 بصوص الطماطم والكريمة :-

- 800 جرام من المكرونة القلم

  المسلوقة نصف تسوية .

- حبة بصل واحدة كبيرة

  الحجم مفرومةناعم .

- 4 فصوص ثوم مفرومين .

- 6 حبات من الطماطم متوسطة الحجم ومعصورة .

- نصف ملعقة صغيرة من الملح .

- ربع ملعقة صغيرة من الفلفل  الأسود .

- نصف ملعقة صغيرة من   الكمون .

- ملعقة صغيرة من الزعتر الجاف .

- ملعقة صغيرة من السكر .

- كوب من كريمة الطبخ أو  أكثر حسب إحتياج الطبخة .

- زيت ذرة .

- زبدة حسب الرغبة .

طريقة تحضير المكرونة :-

هنسخن زيت وزبدة على النار ونبدأ بإضافة الثوم والبصل هنقلبهم على النار 

لحد ما البصل يذبل بعد كده هنضيف عصير الطماطم ونضيف البهارات ( الملح 

/ الفلفل / الكمون / الزعتر / السكر ) نقلبهم مع بعض ونسيبهم على النار لحد ما 

الطماطم تبدأ تتقل وتفقد الماء اللي فيها بعد كده هنضيف الكريمة على صوص

 الطماطم ونقلب لحد ما نلاقي إن لون الطماطم أصبح أفتح وأخذ لون 

وردي فاتح تقدروا تضيفوا كمية من الكريمة لحد ما تحصلوا على اللون 

المطلوب بعد كده هنسيب الصوص يغلي غلوتين وبعدها نبدأ نضيف المكرونة 

بالتدريج ونقلب بهدوء لحد ما المكرونةتتشبع من الصوص وممكن تضيفوا جبنة 

النوع اللي تفضلوه مع المكرونة أو عند التقديم ، وبألف هنا...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

طريقة عمل كوكيز الشوفان صحي ولذيذ

 

المكونات والمقادير :-

- 75 جرام من الشوفان 

  الخشن أو ما يعادله كوب

  إلا ربع .  

- 200 جرام من الدقيق  

  الأبيض أو200 جرام نصف  

  الكمية دقيق أسمر ونصف 

  دقيق أبيض .

  ( ال200 جرام دقيق 

  يساوي 2 كوب إلا ثلث )

- ملعقة صغيرة من البيكنج 

  بودر + ملعقة صغيرة بيكنج 

  صودا .

- 125 جرام من السكر 

  الأبيض .

  (125 يساوي نصف كوب 

  +ملعقة ونصف كبيرة)

- 100 جرام زبدة طرية 

  بدرجة حرارة الغرفة .

  ( 100 جرام يساوي نصف 

  كوب تقريباً )

- ربع ملعقة صغيرة فانيليا .

- بيضة واحدة .

- 35 جرام عسل أسود .

 ( 35 جرام يساوي ملعقتين 

 ونصف كبار من العسل )

- رشة صغيرة ملح .

- نصف ملعقة صغيرة قرفة .

- نصف ملعقة صغيرة 

  جنزبيل مطحون .

- نصف ملعقة صغيرة هيل / 

  حبهان مطحون ناعم .

- نصف ملعقة صغيرة 

  يانسون مطحون

  ناعم أو حب .

- مكسرات مجروشة حسب 

  الرغبة .

يمكنكم استخدام نفس هذه 

البهارات أو الإستغناء عن أي

 نوع بهار لا تفضلوه .

طريقة التحضير :-

في البداية هنخلط مكعبات

 الزبدة مع السكر والبيض 

والفانيليا والعسل ونقلبهم 

كويس لحد ما الزبدة تذوب 

وتندمج مع السكر 

بعد كده نضيف البهارات 

والبيكنج بودر والبيكنج 

صودا ونقلبهم بشكل جيد 

بعدها هنضيف الدقيق 

والشوفان والمكسرات ونبدأ 

نعجنهم بالإيد علشان ندمج

 الدقيق والشوفان مع باقي 

المكونات بشكل جيد هنعجن 

المكونات لحد ما يبقى معانا 

عجينة متماسكة 

طرية وسهلة التشكيل في

 صينية الخبز هنضع ورق زبدة

 أو ندهن الصينية بشوية زيت

 ذرة ونبدأ نشكل الكوكيز

 هنأخذ قطعة من العجينة 

حسب الحجم

اللي عايزين نعمله ونبدأ

 نكورها في الأول وبعد كده 

نضغط عليها شوية بكف 

الإيد من الداخل علشان 

تدينا شكل دائري متساوي

 وسمكها يكون مش رفيع جداً

 ولا سميك تكون متوسطة

 وهي حجمها هيزيد شوية

 فلما نرصها في 

صينية الخبز يفضل ترك

 مسافة بين كل واحدة بعد ما

 نرصهم ندخلهم على الفرن

 ويكون فرن سخن على درجة

 حرارة 180 ، بالنسبة لي أنا

 استخدمت درجة حرارة أعلى

 علشان شعلة الفرن 

ضعيفة والفرن بيحتاج وقت

 في التسوية لو عندكم نفس

 المشكلة إستخدموا درجة

 حرارة أعلى بنشغل الفرن من

 تحت لحد ما نحس إن

 الأطراف إحمرت يبقى هي

 كده تمام لكن لو كان وجه 

الكوكيز لسه مش مستوي 

ممكن تطفوا نار الفرن من

 تحت وتشغلوا الشواية من

 فوق بس لدقائق بسيطة جداً

 علشان متنحرقش وهي

 المفروض الكوكيز متأخذش

 لون من فوق فقط 

تستوي وقلبها يكون مستوي ،

 بعد كده نطلع الكوكيز من

 الفرن نسيبه لحد ما يبرد

 تماماً هنلاقيه بيطلع بسهولة

 لو احنا مستخدمناش ورق

 زبدة واكتفينا بدهن الصينية

 لو حاولتوا تشيلوا الكوكيز

 من الصينية وهو سخن

 هيلزق في الصينية ومش 

هيتشال بسهولة الأفضل

 تخلوه لحد مايبرد ، تقدروا

 تقدموه مع الشاي أو

 مشروبكم المفضل حسب

 رغبتكم الطعم ونكهة

 البهارات جميلة جداً بيدي

 مزيج من النكهات المختلفة

 اللذيذة وفي نفس الوقت

 مفيدة جداً ، وبألف هنا...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .