طريقة عمل المسقعة باللحمة المفرومة والبطاطس والباذنجان بالفرن أو بدون فرن

 

المسقعة من الأكلات البسيطة وبتتعمل بطرق متنوعة ومختلفة حبيت أعملها بالبطاطس واللحمة المفرومة لأن المكونات دي بتديها طعم غني وقيمة غذائية ، خطوات بسيطة وسهلة تديها طعم لذيذ جداً آن شاء الله الطريقة تعجبكم .

المكونات والمقادير :-

- 3 حبات متوسطين من الباذنجان الأسود الرومي .

- 350 جرام من اللحمة المفرومة .

- 4 حبات متوسطين من البطاطس .

- 6 حبات متوسطين من الطماطم ومعصورين .

- 3 حبات متوسطين من البصل الأبيض مفرومين ناعم .

- ملعقة كبيرة ثوم مفروم .

- ربع ملعقة صغيرة فلفل أسود .

- نصف ملعقة صغيرة بهار لحمة .

- ربع ملعقة صغيرة قرفة ناعمة .

- ربع ملعقة صغيرة من البابريكا .

- ملعقة صغيرة سكر أبيض .

- مكعب مرق .

- ملح .

- زيت ذرة لتسوية اللحمة .

- زيت دوار الشمس لقلي البطاطس والباذنجان .

طريقة التحضير :-

في البداية هنقشر ونقطع الباذنجان لحلقات أو تقطيع طولي وتكون القطع سمكها متوسط يعني لا تخينة أوي ولا رفيعة زيادة بعد كده هننقع قطع الباذنجان في ماء وملح حوالي ملعقة صغيرة وخل أبيض النقع ده بيساعد الباذنجان انه ميشربش زيت كثير وكمان يخفف من حدة الباذنجان بس النقع لايزيد عن 10دقائق / ربع ساعة قبل القلي علشان الباذنجان ميبقاش طري زيادة عن اللزوم ويشرب الزيت نفس الشئ بالنسبة للبطاطس هنعمل نفس الخطوات بس البطاطس ممكن ننقعها أكثر من ربع ساعة ، بعد كده هنبدأ بقلي البطاطس أولاً ثم نقلي الباذنجان ، بالنسبة للحمة المفرومة هنسخن شوية زيت ذرة على النار وننزل عليه باللحمة المفرومة ونضيف البهار الفلفل الأسود وبهار اللحمة والقرفة ونقلبهم كويس ونبدأ نفصل اللحمة من بعضها الملح يفضل يتحط في النهاية علشان تفضل اللحمة ناعمة ومتكتلش يعني تبقى متقسمة لكتل كبيرة مش صغيرة وناعمة بعد كده هنضيف البصل ونصف كمية الثوم ونقلبهم كويس مع بعض لحد ما البصل يذبل بعد كده هنضيف نصف كمية الطماطم المعصورة وعند عصر الطماطم في الخلاط نضيف ليها السكر علشان يقلل من حموضة الطماطم هنقلب نصف كمية عصير الطماطم مع اللحمة ونضيف مكعب المرق ونتأكد انه ذاب كويس هنسيب اللحمة على النار لحد ما الطماطم تستوي وتتسبك يعني يبدأ الماء اللي فيها يقل وتتشرب اللحمة بعد كده هنرفعها من على النار ونضيف باقي كمية الثوم المفروم ونقلبهم مع بعض بعد كده في طاجن أو صينية بايركس هنضيف في البداية باقي كمية عصير الطماطم ونرش عليه شوية فلفل أسود ونقلبه بعد كده هنبدأ نرص البطاطس فوق عصير الطماطم بعد كده هنضيف طبقة من قطع البذنجان على البطاطس بعد كده هنضيف اللحمة المفرومة ونوزعها في الصينية كلها بالتساوي وعلى اللحمة هنضيف طبقة ثانية من البطاطس و بعدها نضيف طبقة ثانية من الباذنجان وممكن لو حابين تضيفوا جبنة مع اللحمة أو على وش الصينية علشان تأخذ لون في الفرن ينفع جداً بعد كده هندخل الصينية الفرن ونسيبها على درجة حرارة عالية في الأول على ماتبدأ تغلي وبعد كده هنخفض الحرارة مش هتحتاج مدة كبيرة بعد الغليان 10 دقائق فقط وبعد كده ممكن تشغلوا شواية الفرن علشان تدي لون للصينية من فوق ، وبألف هنا ...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

وجبات سريعة وسهلة جداً تنفع لفطور رمضان أو غدا للأيام العادية طريقة عمل الحواوشي والسجق الشرقي

 

كلنا بيجي علينا وقت بنحتار نعمل ايه على الغدا أو على الفطار في رمضان وبنبقى عايزين وجبات تكون سريعة وخفيفة وفي نفس الوقت يكون طعمها لذيذ وتفتح نفسنا على الأكل موضوع النهاردة عن وجبيتين سهلين جداً الحواوشي والسجق الشرقي الاثنين أحلى من

بعض ، أتمنى الطريقة تعجبكم .

مكونات ومقادير السجق :-

- 2 ثمرة طماطم مقشرة 

  ومقطعة لشرائح .

- فلفل رومي أخضر أو ألوان 

  فلفلة واحدة مقطعة قطع  

  متوسطةالحجم .

- بصلة كبيرة مقطعة لشرائح .

- فص ثوم واحد كبير الحجم 

  مفروم .

- زيت .

- ملعقة صغيرة من الهريسة .

- ربع ملعقة صغيرة من 

  الفلفل الأسود .

- ملح إذا كان السجق غير 

  حادق لأنه عادةً بيكون 

  الملح فيه زائد.

طريقة تحضير السجق :-

في البداية هنسخن شوية 

زيت على النار ونضيف ليه 

البصل ونقلبه شوية بعد كده 

هنضيف السجق بعد ما نفصل 

السجق من بعض ونقلبه مع 

البصل بعد ما السجق يبدأ 

ينشف هنضيف ليه الثوم و 

الفلفل الرومي و الفلفل 

الأسود هنقلب المكونات على 

النار ونسيبهم حوالي 10

دقائق على النار بعد 

كده هنضيف الطماطم 

والهريسة ونقلبهم مع بعض 

كويس السجق مابيأخذش 

وقت كبير في التسوية 

تقدروا تقطعوا السجق لقطع 

صغيرة وهو على النار 

بالمعلقة عادي أو ممكن 

تسيبوه بنفس الحجم بدون 

تقطيع مجرد ما الطماطم 

تذبل شوية هنرفع السجق 

والخضار من على النار وإحنا 

بننقل السجق لطبق التقديم 

يفضل إننا نصفيه كويس من 

السوائل اللي نزلت من 

الطماطم والبصل وممكن 

تحتفظوا بشوية منها حسب 

الرغبة .

ملحوظة :-

السجق بيكون متبل جاهز في 

المحلات علشان كده 

مبيحتجش إضافات من 

التوابل لإن كل محل أو 

سوبرماركت بيكون متبله 

بالطريقة الخاصة بيهم وعادةً 

بيكون الملح فيه زيادة 

علشان كده لو حاسين السجق 

مالح زيادة ممكن تغلوا مياه 

على النار وتضيفوا ليها 

السجق لمدة دقائق ويترفع 

من المياه علشان ميستويش 

زيادة عن اللزوم ويقلل من 

الملح الموجود فيه ممكن 

بعد كده تقلوا السجق في 

الزيت الأول وبعد كده 

تضيفواالمكوناتاللي ذكرتها .

مقادير ومكونات الحواوشي 

:-

- نصف كيلو من اللحمة 

  المفرومة .

- نصف كيلو بصل مفروم 

  ناعم .

- فلفلة واحدة من الفلفل 

  الأخضر الرومي مفرومة .

- نصف ملعقة صغيرة من 

  الهريسة حسب الرغبة .

- ربع ملعقة صغيرة من 

  الفلفل الأسود .

- ربع ملعقة صغيرة من 

  بهارات اللحمة .

- نصف ملعقة صغيرة من 

  الملح .

- رشة من القرفة الناعمة .

- زيت ذرة .

طريقة تحضير الحواوشي :-

هنضيف كل المكونات 

المذكورة على اللحمة 

المفرومة ونخلطهم 

كويس جداً مع اللحمة بعد 

كده هنجيب العيش ( الخبز ) 

وعادةً الحواوشي بيتعمل 

بالعيش المصري اللي بالردة 

بنفتح الرغيف من الطرف 

بيكون نصف فتحة بحيث 

نقدر نحشي الرغيف 

باللحمة ، بعد كده هنقسم 

اللحمة ونوزعها في أرغفة 

العيش ونفردها كويس في 

الرغيف بعد كده هنسخن 

الفرن وندهن العيش من فوق 

ومن تحت بالزيت ونضعه في 

صينية وندخله الفرن لحد ما 

يحمر من الأسفل بعد كده 

هنشغل شواية الفرن 

علشان نحمر وجه العيش لو 

حابين يفضل العيش مقرمش 

ويحتفظ بالتحميصة بتاعته 

متغطهوش بعد ما يخرج من 

الفرن أما لو عاوزينه طري 

فغطوه بعد ما يخرج من 

الفرن ، أتمنى تجربوا 

الوصفات دي وتعجبكم وبألف 

هنا...

فيديو فيه طريقة الوصفات 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

طريقة عمل تتبيلة جميلة للفراخ المشوية مع الأرز الأصفر المبهر

 

الفراخ المشوية نقدر نعملها في البيت بكل سهولة من غير فحم 

بس الطعم رائع ونفس طعم الفراخ المشوية الجاهزة تتبيلة

جميلة جداً وكمان هقدم معاها الأرز الأصفر المبهر وطعم زي 

المطاعم وأحلى ، أتمنى الطريقة تعجبكم .

مقادير ومكونات الفراخ المشوية :-

- في الوصفة دي إستخدمت 6 قطع من الفراخ يعني فرخة 

  ونصف  متقسمين 6 قطع .

- 2 علبة زبادي .

- 2  ليمونة صغيرة .

- 2 ملعقة كبيرة من الخل .

- ملعقة كبيرة من بهار الدجاج .

- ملعقة كبيرة من الزعتر الناشف .

- ملعقة كبيرة من الثوم البودر .

- ملعقة كبيرة من البصل البودر .

- ملح .

- نصف ملعقة كبيرة من الفلفل الأسود .

- ملعقة كبيرة من الثوم المفروم .

- بصلة كبيرة مفرومة نعصرها ونأخذ ماء البصل فقط .

- 2 ملعقة كبيرة من الصويا صوص .

- 2 ملعقة كبيرة من المستردة .

- 2 ملعقة كبيرة من الكاتشب .

طريقة تحضير الفراخ المشوية :-

هنضيف المكونات الجافة ونضيف عليها المكونات السائلة 

ونعصر الليمون وممكن نحتفظ بقشره بعد ما نخلط المكونات 

كويس جداً هنضيف قطع الفراخ والفراخ بتكون بالجلد وبنعمل 

فيها خطوط بالسكينة على اللحم علشان نفتح الأنسجة وكمان 

التتبيلة تدخل للحم الفراخ من الداخل هنتبل الفراخ كويس ونخلي 

المكونات تدخل في الفتحات اللي عملناها بعد كده هنغطي الطبق 

اللي فيه الفراخ المتبلة وممكن نحط قشر الليمون معاه بيبقى 

أحلى في الطعم ولازم الفراخ تكون مغمورة في التتبيلة واحنا 

بنغطيها ونحفظها في الثلاجة يفضل يوم كامل قبل الشوي ، عند 

الشوي هنسخن الشواية اللي بتتحط على البوتاجاز أو الطاسة 

حسب المتوفر عندكم وهنمسح الشواية بشوية زيت ونسخنها 

كويس قبل مانحط عليها الفراخ بعد كده هنبدأ نضيف قطع الفراخ 

على ناحية الجلد الأول وبنسبها على الشواية لحد ماتأخذ لون 

الشوي الجميل بعد كده في صينية هنضيف خليط التتبيلة ونضيف 

عليه شوية زيت ذرة ونحط عليه قطع الفراخ على ناحية العظم 

ونمسح الفراخ بشوية زيت على الجلد علشان متنشفش في 

الفرن ونسيبها في الفرن لحد ما تستوي تماماً الطريقة دي 

بتخلي الفراخ تشرب من طعم التتبيلة وهي في الفرن وبتكون 

طرية مش ناشفة وممكن لو حابين تشغلوا شواية الفرن علشان 

الفراخ تأخذ لون زيادة بعد ماتستوي وبعد ما نطلع الفراخ من 

الفرن ممكن تمسحوا على قطع الفراخ بشوية زيت وتغطوها 

لحين التقديم علشان تفضل طرية ويكون فيها لمعة .

مقادير ومكونات الأرز المبهر :-

- كيلو من الأرز البسمتي .

- 3 أعواد من القرفة .

- 3 أوراق من ورق الغار .

- ملعقة صغيرة من الهيل ( الحبهان ) المطحون .

- 5 أعواد قرنفل .

- نصف ملعقة كبيرة من الكاري .

- 3 مكعبات من مرق الدجاج .

- ملعقة صغيرة من الزعفران البودر .

- زيت .

- زبدة حسب الرغبة .

طريقة تحضير الأرز المبهر :-

في حلة ( طنجرة ) على النار هنسخن زيت ذرة ونضيف ليه 

البهارات اللي ذكرتها في المقادير ما عدا مكعبات المرق علشان 

ماتتحرقش هنسخن القرفة والهيل والقرنفل وورق الغار والكاري 

لحد ما نحس بريحة التوابل دي كلها ظهرت لازم تسخن لأن 

الطريقة دي بتدي ريحة وطعم حلو جداً ولذيذ للأرز بعد كده هنزل 

الأرز المغسول ويكون مصفى كويس من المياه هنقلب الأرز مع 

البهارات كويس ونضيف مكعبات زبدة حسب الرغبة نقلب الأرز 

كويس على النار لحد ما نحس انه نشف من المياه اللي كنا 

غاسلينه فيها بعد كده هننزل بمكعبات المرق والملح ونكون 

غالين مياه على النار علشان نسوي بيها الأرز الأرز البسمتي 

عادةً الكوب الواحد منه بيحتاج ل2 كوب مياه علشان يستوي بعد 

ما نضيف المياه للأرز هنقلب الأرز كويس مع المياه ونتأكد ان 

مكعبات المرق ذابت هنعلى النار في البداية لحد ما مياه الأرز 

تغلي بعد كده هنخفض النار لأقل درجة ومنقلبش الأرز تاني 

علشان مايعجنش من كثرة التقليب ونسيبه يستوي على النار ، 

وبكده هتأكلوا أحلى أرز مبهر عاملينه بإيدكم .

فيديو فيه الطريقة موضحة بالتفصيل ⬇

طريقة عمل كيكة قدرة قادر بالكريم كراميل البيتي مش الجاهز طريقة حلوة ولذيذة جداً

كيكة قدرة قادر من الحلويات 

المميزة خليط ما بين الكريم 

كراميل وكيكة الشوكولاتة 

اللذيذة طبق مميز هتحبوا 

تعملوه دايماً في المناسبات 

المختلفة طريقتها سهلة جداً 

وبسيطة أتمنى تعجبكم .

لعمل الكريم كراميل هنحتاج 

:-

- 2 كوب من الحليب البودرة .

- 2 كوب ماء .

- 2 بيضة كاملة .

- كوب سكر .

- 5 جرام فانيليا .

طريقة تحضير الكريم 

كراميل :-

هنسخن نصف كمية الماء 

على النار ونضيف ليه السكر 

ونخليه يذوب كويس بعد 

مايذوب السكر هنرفعه من 

على النار ونضيف باقي كمية 

الماء علشان تبرد الماء شوية 

بعد كده هنصب الماء المذاب 

فيه السكر على الحليب البودر 

ونقلبهم كويس لحد ما الحليب 

يذوب ويندمج مع الماء 

بعدها هنضيف البيض والفاني

ليا ونخلطهم كويس جداً مع 

باقي المكونات هنسيب 

الخليط ده شوية على ما 

نجهز باقي الوصفة هنحتاج 

كمان نعمل صوص كراميل 

هنضيف حوالي 6 معالق كبار 

من السكر و نسيبه على النار 

لحد مايسيح تماماً ويكرمل 

ويصبح لونه بني فاتح لازم 

السكر لونه يكون فاتح لانه لو 

أصبح غامق طعمه هيكون 

فيه مرارةويفضل عمل 

صوص الكراميل في أخر 

خطوة لأنهلما بيبرد بيجمد

 وبيحتاج تسييح تاني . 

مقادير ومكونات خليط 

الكيك :-

- كوب دقيق .

- نصف كوب زيت .

- نصف كوب حليب .

- نصف كوب كاكاو .

- 3 ملاعق صغيرة من 

البيكنج بودر .

- كوب سكر .

- 2 بيضة كاملة .

- ملعقة صغيرة فانيليا أو     

بشر برتقال .

طريقة تحضير الكيك :-

في البداية هنخلط السكر مع 

البيض والفانيليا ونضربهم 

كويس بالمضرب الكهربائي أو 

في الخلاط لحد ما الخليط 

يبقى لونه أبيض بعدها 

هنضيف باقي المكونات 

السائلة ونخلطهم مع بعض 

بعد كده هنضيف للخليط 

الدقيق المنخول والبيكنج 

بودر وكمان هننخل الكاكاو 

ونخلط كل المكونات مع 

بعض كويس لحد ما قوام 

الخليط يكون مناسب بحيث 

يكون زي الشريط واحنا 

بنقلب وميقطعش .

طريقة التحضير في الفرن :-

هنختار قالب الكيك اللي 

هنعمل فيه الكيكة بتاعتنا 

ولازم يكون في صينية القالب 

ده بيدخل فيها علشان 

هنسخن مياه ونصبها في 

الصينية ونحط قالب الكيك 

فيها والميه لازم تكون واصلة 

لقالب الكيك من تحت بعد 

كده هنصب صوص الكراميل 

في القالب وبعدين نصب 

عليه خليط الكريم كراميل 

ونصب بعدها خليط الكيك 

كله فوق بعض ومتقلقوش 

لأن الخليط ده وبقدرة قادر 

عند تسويته في الفرن 

هيفصل ويعملنا طبقات 

منفصلة وده سبب 

تسميتها بهذا الإسم قدرة 

قادر هنسبها في الفرن في 

وسط الفرن على درجة 

حرارة 180 لو الفرن بتاعكم 

مظبوط وشعلته كويسة 

لو شعلته ضعيفة ممكن 

تزودوا درجة الحرارة شوية 

وهي بتحتاج مابين 40 – 45 

دقيقة في الفرن على حسب 

كل فرن وظروفه بس بعد ما 

تخرج من الفرن هنسبها ترتاح 

وتبرد تماماً وبعد كده نقلبها 

في طبق التقديم واتفرجوا 

بقىعلى شكلها الجميل

 وصوص الكراميل نازل عليها 

حاجة رائعة تستاهل 

تجربوها وبألف هنا ...

طريقة الوصفة موجودة في 

الفيديو بشكل أوضح ⬇