طريقة عمل شاورما الدجاج زي المطاعم وأحلى + طريقة صوص الثومية و أسرع خيار مخلل

 

الشاورما من ألذ الأكلات و الوجبات 

المفضلة للكثير من الناس و دائماً 

بنبحث عن أفضل الطرق لعمل الشاورما 

فيالبيت تكون لذيذة ونحبها زي 

المطاعم في موضوع النهاردة هقدم 

طريقة مميزة و جميلة لشاورما الدجاج 

و التجربة خير دليل .

مقادير و مكونات الشاورما :-

- كيلو من أوراك الدجاج مخلية من 

   العظم والجلد .

-  عدد 2 ليمونة متوسطة .

- 4 – 5 أوراق من ورق الغار .

- بصلة واحدة متوسطة الحجم .

- ملعقة كبيرة كاتشب .

- ملعقة كبيرة ماستردة .

- نصف ملعقة كبيرة ملح .

- ملعقة صغيرة ثوم مفروم .

- نصف ملعقة صغيرة من الهيل   

  (حبهان ) مطحون .

- نصف ملعقة صغيرة من الزعتر الناشف .

- نصف ملعقة صغيرة من السبع بهارات 

(خليط من البهارات يباع عند العطار أو 

قسم البهارات بالسوبر ماركت ) وممكن 

استبداله ببهار الدجاج أو بهار الشاورما

- ربع ملعقة صغيرة من الفلفل الأسود .

طريقة تحضير الشاورما :-

في البداية هنفرم البصلة ونضيف ليها 

الثوم المفروم و نضيف باقي المكونات 

و نعصر عليهم الليمون و نخلطهم 

ببعض كويس بعد كده هنضيف ليهم 

قطع الدجاج و نقلبهم كويس مع 

التتبيلة ولازم التتبيلة توصل لكل جزء 

من الفراخ علشان تشرب من طعم 

التتبيلة كويس وتأخذ كفايتها بعد كده 

هنغطيها بطبق يضغط على قطع 

الدجاج علشان تكون قريبة من التتبيلة 

و نحطها في الثلاجة يوم كامل قبل 

الشوي لما نبدأ في شوي الدجاج لازم 

نمسح الشواية بالزيت و نسخنها كويس 

بعد كده هنضيف الدجاج المتبل بس 

نحاول نشيل من عليه البصل المفروم و 

ورق الغار علشان مينحرقش على النار 

هنسيب الدجاج على النار لحد ما يبدأ 

يحمر و يأخذ لون الشوي ونقلب قطع 

الدجاج على كل الجهات بعد كده 

هنرفعهم من على النار و ننظف 

الشواية كويس بعدها هنقطع 

الدجاج لشرائح طويلة بحجم متوسط 

وأي مياه نزلت من الدجاج بعد الشوي 

هنحتفظ بيها بعد كده هنسخن الشواية 

كويس ونضيف شرائح من 

البصل حسبالرغبة ونقلب البصل على 

النار لحد ما يذبل شوية بعد كده 

هنضيف قطع الدجاج وعليهم السائل 

اللينزل منهم و نقلبهم كويس كمان لو 

حابين ممكن تضيفوا فلفل رومي مقطع 

لشرائح حسب الرغبة ونخلطه مع 

الدجاج والبصل شوية من غير 

مايفضل كثير على النار علشان يفضل 

فيه قرمشة في الفلفل و ميستويش 

زيادة عن اللزوم وبكده تكون 

الشاورما جاهزة للأكل بألف هنا .

مقادير ومكونات صوص الثومية :-

- 4 فصوص ثوم .

- ملعقة كبيرة و نصف من الخل الأبيض .

- ملعقة كبيرة من الحليب البودر .

- 2 ملعقة كبيرة من نشا الذرة  .

- 2 ملعقة كبيرة من المايونيز .

- ملعقة صغيرة من السكر .

- ملح .

- كوب الا ربع ماء عادي بحرارة الغرفة .

- ربع كوب من الزيت .

طريقة تحضير صوص الثومية :-

هنضيف النشا والماء في كسرولة ( 

وعاء طهي ) ونقلبهم على البارد الأول 

لحد ما يذوب النشا بعدين نضيف ليه 

الثوم ونحطهم على النار لما يبدأ يغلي 

نقلبه تاني كويس يفضل على النار لحد 

ما النشا يتحول لونها للون شفاف و 

قوامها يبدأ يتخن بعدين هنرفعها من 

على النار ونحطها في الخلاط مع باقي 

المكونات ما عدا الزيت ونخلطهم 

في الخلاط كويس بعدين نضيف الزيت 

بالتدريج ونخلطهم كويس كده الصوص 

أصبح جاهز هنسيبه في الثلاجة لحد 

موعد الأكل و علشان يكون متماسك 

أكثر( الثوم لما يستوي على النار الأول 

بيكون طعمه أحلى و مبيكونش لازع زي 

لو حطناه نيء )

مكونات ومقادير الخيار المخلل :-

- خيار الكمية حسب الرغبة أنا 

   استخدمت 2 ثمرة خيار .

- نصف ملعقة كبيرة ملح .

- ملعقة كبيرة خل .

- ماء .

طريقة تحضير الخيار المخلل :-

هنضيف الخل والملح للماء ونسيبه 

يغلي على النار بعدين هنضيف الخيار 

ونكون مقطعينوا لنصفين وكل نصف 

نقطعه لشرائح بالطول ونسيبه في 

الماء على النار لحد ما يتغير لونه 

الأخضر ويبقى زي لون المخلل مائل 

للبني بعد كده هنرفعه من على النار 

مجرد ما تغير لونه علشان ما يستويش 

زيادة و نغطيه ونسيبه في الماء علشان 

يأخذ من طعم الملح و الخل حوالي 

ساعة ساعة إلا ربع عند التقديم 

هنصفيه من الماء كويس .

دي كانت وصفة النهاردة لشاورما 

الدجاج مع صوص الثومية و أسرع 

خيار مخللممكن تعملوه أتمنى تكون 

      الطريقة عجبتكم وبألف هنا                

                 فيديوعن طريقة 

    تحضيرالوصفة بشكل أوضح 👇

طريقة عمل القلقاس بالسلق و الأرز المحمر حبة و حبة

 

القلقاس و الأرز المحمر 

بالشعرية

زي ما إحنا عارفين ان كل موسم ربنا 

خلق ليه الزرع المناسب لاحتياجات  

جسمنا فيكل موسم ، القلقاس من 

الأكلات اللي فيها قيمة غذائية عالية 

وبتمد الجسم بالطاقة والدفء اللي 

إحنا محتاجينه في الوقت ده من  

الشتاء لاننا بنمر بحالة طقس شديدة 

البرودة ومحتاجين أكل يدفي ويكون 

مغذي ولذيذ في نفس الوقت موضوع  

النهاردة هيكون عن طريقة القلقاس 

بالسلق أتمنى الطريقة تعجبكم .

ملحوظة :-

في الوصفة دي هندمج بين القلقاس 

اللي بالطماطم والقلقاس اللي بالسلق 

علشان في ناس كتير مبتحبش طعم 

القلقاس فبنضيف ليه طماطم علشان 

يدي القلقاس طعم أفضل بالنسبة 

للناس دي أما لو انتوا حابين تعملوه 

بالسلق فقط يبقى هتستغنوا عن 

الطماطم خالص أو تضيفوا كمية 

بسيطة جداً من الطماطم .

المقادير و المكونات :-

- حوالي كيلو ونصف من القلقاس .

- 2حبة بصل كبيرة مفرومة .

- 3 ملاعق كبار من الثوم المفروم .

- زيت وزبدة الكمية حسب الرغبة .

- ربطتين متوسطين من السلق .

- ربطتين متوسطين من الكزبرة 

  الخضراء .

- طماطم 5 حبات من الطماطم .

- معلقة صغيرة سكر .

- لحمة لعمل مرقة اللحم لتسوية    

  القلقاس .

- مكعب مرق لحم أو خضروات .

- ملح .

- ربع ملعقة صغيرة فلفل أسود .

- ملعقة صغيرة كزبرة ناشفة .

- نصف ملعقة صغيرة كمون .

طريقة التحضير :-

في البداية هنفرم البصل و نضيفه لحلة

( وعاء ) الطهي ونضيف ليه زيت 

وزبدة ونبدأ نشوح البصل نحمره لحد 

ما يأخذ اللون الذهبي بعد كده هنضيف 

عصير الطماطم مضاف ليه السكر 

والملح والفلفل والكمون و مكعب المرق 

والكزبرة الناشفة ممكن نضفها للطماطم 

او نخليها للأخر نحمرها مع الثوم 

هنسيب عصير الطماطم يتسبك 

كويس يبدأ قوامه يتخن و الماء اللي 

في الطماطم ينقص في الوقت ده نكون 

مجهزين الخضرة بعد ما نغسل السلق 

والكزبرة الخضراء هنشيل السيقان 

بتاعت السلق هنأخذ فقط 

الورق الأخضر للسلق أما الكزبرة فممكن 

نقطعها بالسيقان عادي لانها 

رفيعة هنقطعها بالسكينة شوية علشان 

هنفرمها بعد كده في الكبة مع السلق 

فلازم نقطعهم شوية علشان الخضرة 

متلفش على السلاح بتاع الكبة بنفرمها 

كويس جداً لحد ما تبقى زي المعجون 

في الوقت ده تكون الطماطم اتسبكت 

هنبدأ نضيف القلقاس ونضيف 

ليه المرقة اللي هنسوي القلقاس بيها 

ونسيب القلقاس يستوي شوية بعد كده 

هنرجع للخضرة بعد ما فرمناها في 

الكبة هنحطها في المصفى ونبدأ نعصر 

فيها بإيدنا أو نضغط عليها بملعقة 

ونزل الماء منها كويس كمية الماء اللي 

هتنزل دي هنحتفظ بيها ونضيفها 

للقلقاس أما المعجون بتاع الخضرة 

الليصفناه هنسويه على النار قبل 

ما نضيفه للقلقاس في طاسة ( مقلاة ) 

صغيرة على النار هنضيف شوية زيت و 

زبدةونحمر فيهم الثوم لما يبدأ الثوم 

يأخذ اللون الذهبي هنضيف عليه 

معجون الخضرة المصفى و نقلبهم مع 

بعض على النار كويس و نسيبهم دقائق 

على النار بعد كده نضيفهم للقلقاس و 

نسيبه يكمل التسوية بس لازم القلقاس 

يكون متماسك يعني ما يستويش زيادة 

عن اللزوم لازم يكون متماسك شوية 

علشان لو حابين نسخنه تاني 

ميتهريش لما القلقاس يدخل في 

التسوية نضيفله اللحمة لو انتوا حابين 

تطبخوا باللحمةعلشان اللحمة بتكون 

مستوية في السلق والمرقة اللي بنسوي 

بيها القلقاس و بكده يكون القلقاس 

جاهز للأكل و ممكن تقدموه مع الأرز 

المحمر احنا بنسميه حبة وحبة 

وطريقته سهلة جداً هنغسل 

الأرزالمصري الكمية اللي احنا عايزنها 

بعد كده هنقسم الكمية دي لنصفين 

هنأخذ النصف الأول ونبدأ نحمره في 

الزيت والزبدة لما يبدأ يأخذاللون 

الذهبي هنضيف ليه شوية شعرية 

ومكعب مرق ونقلبهم كويس مع بعض 

لحد ما الشعرية تأخذ لون ذهبي بعد 

كده نضيف النصف الثاني من الأرز 

ونقلبه شوية وبعد كده نضيف المرقة 

اللي هنسوي بيها الأرز بالطريقة 

المعتادة ، دي كانت وصفة اليوم أتمنى 

تنال إعجابكم وبألف هنا .

فيديو فيه طريقة الوصفة بشكل 

موضح😊

طريقة عمل شال كروشيه مثلث كمان ينفع كهدية مميزة

 

شال كروشيه

موضوع النهاردة هيكون 2 ×1 بمعنى هنتعلم فيه طريقة عمل شال مثلث من الكروشيه 

مميز جداً في الشكل واللون وتفاصيل الشال جميلة جداً وفي نفس الوقت ينفع كهدية 

مميزة لأي حد عزيز عليكم خاصةً الفترة الجاية فيها الاحتفالات بعيد ( يوم ) الأم فمن 

الحاجات الجميلة جداً اننا نهادي حبايبنا وخاصةً الأم بهدية جميلة صنعناها بإيدينا بكل 

الحب .

الأدوات المستخدمة:-

- خيط اليزا

- ابرة مقاس من 2-4 mm انا استخدمت ابرة مقاس 3

- ابرة تنظيف

الغرز المستخدمة:-

- غرزة السلسلة

- غرزة المنزلقة

- غرزة البف

- غرزة عمود بلفة

- غرزة العمود الأمامي

- غرزة العمود الخلفي

- غرزة الحشو

في الفيديو التالي هتلاقوا شرح لطريقة عمل الشال بشكل وافي ، 

مشاهدة طيبة😊

عجينة الفطائر الهشة + طريقة تحضير حشوة السبانخ للمعجنات

 

طريقة عمل عجينة الفطائر 

الهشة لجميع الحشوات

السبانخ من الأكلات المغذية 

والمفيدة جداً لأنها غنية 

بالمعادن زيالحديدوالكالسيوم

والبوتاسيوم والماغنيسيوم 

وكمان غنية بالفيتامينات زي 

فيتامين أ و ج و ك وتعتبر

السبانخ مصدر غني بالألياف 

كل الفوائد دي وأكثر تخلي 

السبانخ من الأكلات المهمة 

جداً ولازم نستخدمها بشكل 

أساسي ومستمر في وجباتنا 

علشان نعود نفسنا وأطفالنا 

عليها للحصول على الفوائد 

المتعددة اللي بتحتوي عليها 

السبانخ ، زي مكنا واحنا 

أطفال بنتفرج على كارتون 

باباي وبنشوف ازاي بيتحول 

لشخص قوي بعد أكله للسبانخ

صحيح الكارتون ده كان فيه 

مبالغة شوية بس أنا عن 

نفسي حبيت السبانخ بسببه ، 

في موضوع النهاردة 

هقدملكمطريقةلذيذةجداًلعمل 

حشوةالسبانخ للمعجنات 

وممكن نضيف للحشوة دي 

شوية بقدونس وبرغل لو 

حابين ونكلها زي السلطة 

وكمان هقدملكم طريقة سهلة 

لعمل فطائر هشة وخفيفة ، 

أتمنىالموضوع ينال إعجابكم.

مقادير عجينة الفطائر :-

- 2 كيلو دقيق أبيض 

للمعجنات أو دقيق لجميع 

الإستخدامات حسب المتوفر .

- 4 معالق طعام كبيرة من 

الحليب البودر .

- 2 معلقة طعام كبيرة من 

السكر .

- 2 معلقة طعام كبيرة من 

الخميرة الفورية .

- ربع معلقة طعام كبيرة من 

الملح .

- كوب إلا ربع من زيت الذرة .

- لتر ماء دافئ غير مغلي .

طريقة تحضير العجينة :-

نخلط جميع المكونات الجافة 

الدقيق والحليب والسكر 

والخميرة لو مش متأكدين 

من جودة الخميرة تقدروا 

تضيفوا الخميرة لشوية ماء 

دافئ وتضيفوا عليه السكر 

وتستنوا حوالي 10 دقائق 

لحد ما الخميرة تفور 

وتتأكدوا من صلاحيتها 

تقدروا تضيفوها للعجينة أما 

لو متأكدين من الخميرة 

فمشرط تعملوا الخطوة دي

وتقدروا تضيفوا الخميرة 

والسكر للعجينة من البداية 

ونقلبهم مع بعض وبعد كده 

نضيف الزيت ونبدا نعجن 

واحنا بنعجن نضيف جزء من 

الماء ونعجن بيه كل ما 

العجينة تشرب الماء ونحس 

انها لسة محتاجة ماء نضيف 

ونعجن لحد ما العجينة 

تصبح متماسكة وطرية سهل 

تشكيلها بدون ما تشقق او 

تكون ملزقة زيادة عن اللزوم 

بعد كده هتسيبوا العجينة 

ترتاح وتخمر لمدة ربع لنصف 

ساعة على حسب حرارة 

المكان لأن فيالصيف العجين 

بيخمر أسرع من فترة الشتاء 

ولازم العجينة تكونمتغطية 

كويسعلشان متنشفشوتخمر 

بشكل أسرع .

مقادير حشوة السبانخ :-

- 4 ربطات متوسطة من 

السبانخ .

- 2 بصلة كبيرة مفرومة .

- معلقة طعام كبيرة ملح .

- عصير ليمونة واحدة 

متوسطة .

- نصف معلقة صغيرة من 

الفلفل الأسود .

- معلقة صغيرة من السماق .

- معلقة صغيرة من الكمون .

- معلقة صغيرة من الكزبرة .

-2 معلقة صغيرة من الهريسة 

أو حسب الرغبة .

- نصف كوب من زيت الزيتون .

طريقة تحضير حشوة 

السبانخ :-

في البداية هنقطع الرأس 

اللي بتكون في ساق السبانخ 

من تحت ونغسل السبانخ 

كويس جداً تحت مياه جارية 

وبعد كده بنقطع السبانخ 

الأوراق و السيقان بنقطعهم 

بالسكينة تقطيع متوسط 

يعني ميكونش ناعم أو صغير 

علشان نستفيد من الفائدة 

اللي فيها بعد كده هنضيف 

للسبانخ البصل المفروم 

والملح ونبدأ نقلبهم مع 

بعض واحنا بنقلب هندعك 

فيهم كويس علشان السبانخ 

والبصل يطلعوا كل المياه 

اللي فيهم يعني نحاول 

نعصرهم بإيدنا كويس 

وبعد كده بنضيف السبانخ 

والبصل في وعاء أو طبق 

نفصلهم عن المياه اللي طلعت 

منهم وبعد كده هنضيف باقي 

المقادير والزيت للسبانخ 

ونخلطهم مع بعض كويس .

طريقة تحضير الفطائر :-

بعد ما العجينة تخمر هنبدأ 

ناخد قطع من العجينة وكل 

قطعة بنكورها حسب الحجم 

اللي احنا عاوزينه وبنحطهم 

في صينية او على سطح 

يكون مرشوش بشوية دقيق 

علشان العجين ميلزقش و

نغطيمنتانيعلشانمينشفش 

ونسبهم يرتاحوا ويخمروا 

شوية وبعد كده نبدأ نحشي 

العجين بالشكل والطريقة 

اللي نحبهاو بألف هنا .

فيديو عن الوصفة بشكل 

أوضح ⬇