البامية من الخضروات اللي بيتم تفريزها وحفظها بطرق مختلفة وهي من الخضروات
المميزة عند عائلات كتير في اللي بيحبها وبيطبخوها علشان السبب ده وفيه اللي بيطبخها علشان هي مفيدة وتغيير في الأكل بعد ما يحسوا أنهم طبخوا كل حاجة وعملوا كل الأصناف المتعودين عليها ومحتارين يطبخوا ايه فيقرروا يطبخوا بامية علشان كده ناس كتير بتلجأ لحفظ البامية في الفريزر علشان بتسعف ربة البيت في أي وقت تكون محتارة تطبخ ايه وكمان بتبقى مميزة في العزومات خاصة لو معمولة في طاجن باللحمة وغيره ...
طريقة تفريز البامية :-
كل اللي هنعمله لو هتقمعوا ( يعني تشيلوا الجزء اللي فيه عنقود أخضر من فوق في البامية وجزء صغير جدا من تحت ) البامية بنفسكم في البيت يفضل انكم تغسلوها الأول قبل التقميع علشان متطلعش المادة اللزجة اللي فيها وممكن تنقعوها 3 دقائق في الماء والخل بعد الغسيل وبعد النقع تشطفوها من الخل وتصفوها كويس ، بعد كده تقدروا تقمعوها بسهولة ، أما لو هتشتروها متقمعة جاهزة تقدروا تغسلوها وتنقعوها في الخل وتصفوها كويس بعد كده تبدؤوا في باقي الخطوات ، هنحتاج في الخطوة الثانية لحلة
( وعاء للطهي ) نغلي فيها ماء ونحط في الحلة مصفى استانلس أو ألمونيوم حسب المتوفر ولازم الماء يكون تحت المصفى لكن ميدخلش في المصفى نفسها بعد كده نأخذ كمية مناسبة من البامية على قد المصفى الأفضل منضفش كمية البامية كلها ده هيدينا نتيجة سيئة في تسوية البامية وكمان لو البامية حجمها مابين الكبير والصغير حاولوا على قد ما تقدروا تفصلوا البامية الصغيرة عن الكبيرة وتعملوا عملية التسوية لكل حجم على حده ويفضل انكم متقفلوش الحلة علشان البامية لونها ميبقاش غامق وتقلبوها من فترة لأخرى علشان تستوي بشكل متساوي من جميع الجهات بعد ما توصل لدرجة التسوية المطلوبة نرفعها من على النار ونحطها في صينية ونفردها كويس في الصينية علشان تبرد بشكل أسرع ومنضفش عليها كمية أخرى من البامية اللي هنخرجها من على النار بعد كده لأ الكمية اللي تطلع بعد كده خلوها في صينية تانية وكل ما الكمية اللي سيبنها تبرد تلاقوها بردت تماما تشلوها على طول في أكياس حفظ الطعام وتحفظوها في الفريزر ، وبكده تكون تمت عملية تفريز البامية على البخار .
ملحوظة :-
البامية البلدي بيكون فيها شوك كتير علشان الناس اللي ممكن تكون بتعمل البامية لأول مرة فيفضل عند التقميع وغسل البامية انكم تلبسوا جوانتي ( كفوف ) في الايد تكون صحية يعني ينفع استخدامها مع الاكل .
فيديو فيه الطريقة
بشكل أوضح ⬇
ليست هناك تعليقات:
إرسال تعليق