المقادير :-
- كوب من الأرز المصري ( طريقة عمل الأرز بنفس طريقة عمل أرز المحشي ويمكن تخزين أرز المحشي في الفريزر لاستخدامه عند الحاجة )
طريقة أرز المحشي في الرابط https://lolista93.blogspot.com/2020/04/blog-post.html
- 6 – 8 بيضات.
- بصلة واحدة متوسطة .
-2 حبة طماطم متوسطة الحجم .
- ربطة صغيرة من الكزبرة والشبت .
- معلقة كبيرة من الثوم المفروم .
- نصف معلقة صغيرة بيكربونات الصوديوم ( كورباناتو )
- نصف معلقة صغيرة من الفلفل الأسود .
- معلقة صغيرة من الكمون .
- معلقة صغيرة من النعناع الناشف ( جاف )
- نصف معلقة صغيرة من الملح .
طريقة التحضير :-
في البداية هنغلي ماء على النار وكمية الماء حسب كمية الأرز
المستخدم وطريقة الأرز نفس طريقة الرز اللي بنعمله للمحشي
وهنسويه في الماء المغلي وبعد كده نحضر باقي الوصفة هنفرم
البصلة والطماطم والثوم مع بعض في الكبة ونقطع الكزبرة والشبت
ونفرمهم بالسكينة بعد كده هنخلطهم مع بعض ونضيف البهارات
ليهم ونقلبهم كويس بعد كده هنضيف البيض كل مايكون البيض اقل
العجة هتكون اتخن لكن لو عايزين خليط العجة يكون أخف بنزود
البيض بعد ما الأرز يستوي هنضيفه للخليط السابق بس المهم يكون
الرز بارد أو دافئ علشان سخونة الرز ممكن تسوي البيض، بعد ما
نقلبهم كويس هنجيب صينية الفرن ونحط فيها شوية زيت ونسخنه
على النار لما يسخن الزيت كويس هنضيف خليط العجة ليه
ونوزعها كويس في الصينية بحيث ان كل الجهات تكون متساوية
بعد كده هندخلها الفرن على درجة حرارة 200 ونكون مسخنين
الفرن قبلها هندخل الصينية على شبكة الفرن وتكون الشبكة في
منتصف الفرن لو وجه الصينية من فوق محمرش ممكن نشغل
الفرن عند الشواية علشان يحمر الوجه بس نخلي بالنا علشان
متحمرش زيادة وتبقى ناشفة، بعد ما العجة تستوي هنطلعها من
الفرن ونقطعها ونرفعهامن الصينية علشان العجة ما تشربش الزيت.
وبألف هنا ...
طريقة العجة موجودة في الفيديو علشان تكون الطريقة اوضح
ليست هناك تعليقات:
إرسال تعليق