أسهل وأسرع طريقة لتخزين القلقاس

 

بما إن موسم القلقاس بدأ حبيت أشارك معكم طريقة سهلة وسريعة لحفظ القلقاس في الفريزر لفترة طويلة من غير ما يغير طعمه أو يتأثر ، طريقة جميلة مبتحتجش وقت ولا مجهود كبير .

  المكونات :-

- 2 كيلو من القلقاس .

- 2 ليمون أصفر صغيرمن النوع صغير الحجم .

- أكياس حفظ الطعام أو علب حفظ الطعام .

 طريقة التحضير :-

في البداية هنغسل القلقاس تحت ماء جاري ويكون سخن يعني درجة حرارته تقدر إيدينا تستحملها هنغسله ونظفه بفرشاة خاصة بالخضروات بحركات دائرية هنظف القلقاس كويس علشان نشيل من عليه أي أوساخ ، بعد تنظيف القلقاس هنسيبه يصفي كويس من الماء تماماً وبعد التصفيه ننشفه برده بفوطة ناشفة علشان نتأكد انه تخلص من كل الماء اللي عليه ، بعد كده هنبدأ نقطعه لحلقات الأول قبل التقشير علشان يسهل عملية التقشير بدل ما نقشره قبل التقطيع وهو سليم ، بعد تقطيعه لحلقات وتقشيره هنأخذ كل قطعة من القلقاس ونمسحها بمنديل مطبخ غير مبلل ( لازم القلقاس ميتعرضش للماء أبداً بعد غسله وتجفيفه من الماء أول مرة وبنمسحه بمناديل المطبخ علشان لو عليه أي أجزاء بسيطة من القشرة الخارجية نشيلها ونظفه بالمنديل) بعد كده هنقطعه لأصابع متوسطة الحجم ثم نقطع أصابع القلقاس لمكعبات ونحاول نساوي مكعبات القلقاس في الحجم علشان عند طبخها تستوي في وقت واحد وتأخذ نفس التسوية ، بعد تقطيع كمية القلقاس اللي هنخزنها هنعصر عليه الليمون ونقلب القلقاس كويس جداً علشان يختلط بالليمون ويندمج معاه بشكل متساوي ، الليمون هيساعد على حفظ القلقاس ويفضل محتفظ بلونه من غير مايتغير بسبب التجميد ولا طعمه يتغير وبكده القلقاس يكون جاهز للتفريز تقدروا تقسموا القلقاس حسب الطبخة والكمية اللي هتحتاجوها كل مرة عند طهي القلقاس ممكن تحفظوه في الأكياس المخصصة لحفظ الطعام أو تحفظوه في علب التفريز أهم حاجة الأكياس أو العلب تكون محكمة الغلق علشان هواء الفريزر ميكونش ثلج داخل الأكياس أو العلب لأن ده هيأثر على طعم وجودة القلقاس ( مهم جداً إن أي أداة بتستخدموها في تقطيع القلقاس وتقشيره وكمان الأطباق ولوح التقطيع لازم كل الأدوات تكون جافة تماماً من الماء علشان المادة اللزجة الموجودة في القلقاس متظهرش ) وبكده تقدروا تحفظوا القلقاس لفترة طويلة وانتوا مطمئنين وبطريقة سهلة وسريعة  ، وبألف هنا...

طريقة عمل سكارف بغرزة قرص العسل ( Honeycomb )

 

سكارف شتوي من الكروشيه بغرزة بسيطة وبتدي شكل جميل جداً في اللبس تنفع للرجال والسيدات وتقدروا تتحكموا في الطول والعرض حسب رغبتكم تابعوا التفاصيل المكتوبة آن شاء الله الشرح يكون وافي  وتقدروا كمان تشوفوا الشرح بالصوت والصورة من خلال الفيديو المرفق مع الموضوع .

- الأدوات المستخدمة :-

-  - خيط كروشيه أنا استخدمت خيط زي اللي في الصورة ممكن تستخدموا أي نوع حسب المتوفر المهم يكون بنفس السمك .

-   - ابرة مقاس 7  .

-   - ابرة تنظيف .

-   - مقص .

- الغرز المستخدمة :-

-   - غرزة سلسلة  .

-   - غرزة عمود بلفة .

-   - غرزة البريد الأمامي .

-   - غرزة البريد الخلفي .

-   - غرزة نصف عمود .

-   - غرزة قرص العسل .

- بيانات السكارف :-

-   - الطول :- 134 سم

-   - العرض :- 18 سم

طريقة عمل السكارف :-

-        - الصف الأول :-

في البداية نقوم بعمل 32  غرزة سلسلة بعد ذلك نترك أخر ثلاث غرز سلسلة وعند غرزة السلسلة الرابعة نقوم بعمل غرزة عمود بلفة ونقوم بعمل غرزة العمود بلفة في كل غرز السلسلة التي تقابلنا حتى نهاية الصف الأول .

-   - الصف الثاني :-

في نهاية الصف الأول نقوم بلف السكارف ثم نبدأ في الصف الثاني نقوم بعمل 2 غرزة سلسلة  بعد ذلك نترك أخر غرزة عمود بلفة من الصف السابق ثم عند غرزة العمود بلفة التي بجانبها نعمل فيها غرزة بريد أمامي ثم الغرزة التي بجانبها نعمل فيها أيضاً غرزة بريد أمامي يصبح لدينا 2 غرزة بريد أمامي ثم في الغرزة التي تقابلنا بعد ذلك نعمل فيها غرزة بريد خلفي والغرزة التي بعدها نعمل فيها غرزة بريد خلفي أيضاً يصبح العمل كالأتي نعمل 2 غرزة بريد أمامي ثم 2 غرزة بريد خلفي وهكذا حتى النهاية ماعدا أخر غرزة عمود بلفة من الصف الأول نعمل فيها غرزة نصف عمود وهكذا ينتهي الصف الثاني نقوم بلف السكارف  ثم نعمل 2 غرزة سلسلة ونبدأ الصف الثالث .

-        - الصف الثالث :-

نقوم بعمل نفس الخطوات التي قمنا بها في الصف الثاني وعند أخر غرزة في الصف نقوم بعمل غرزة نصف عمود ثم نلف السكارف ونعمل 2 غرزة سلسلة ثم نكرر الخطوات بنفس الطريقة حتى نصل الى الصف الثامن .

-   - الصف التاسع :-

بعد الانتهاء من الصف الثامن نقوم بلف السكارف ثم نعمل 2 غرزة سلسلة ونبدأ الصف التاسع عند أول غرزة بريد أمامي من الصف السابق نعمل فيها غرزة بريد خلفي ثم الغرزة التي بجانبها نعمل فيها غرزة بريد خلفي أيضاً ثم الغرزة التي بعدها نعمل فيها غرزة بريد أمامي ثم في الغرزة التي بعدها نعمل غرزة بريد أمامي أيضاً ثم في الغرزة التي بعدها نعمل غرزة بريد خلفي ثم في الغرزة التي بعدها نعمل غرزة بريد خلفي أيضاً يصبح لدينا 2 غرزة بريد خلفي ثم 2 غرزة بريد أمامي ثم 2 غرزة بريد خلفي بعد ذلك نترك اثنان من الغرز التي ستقابلنا ثم في الغرزة التي بعدهم نعمل فيها غرزة بريد أمامي ثم الغرزة التي بعدها نعمل فيها غرزة بريد أمامي أيضاً ثم نعود اللي الغرز السابقة نقوم بعمل في أول غرزة تركناها نعمل فيها غرزة بريد خلفي ثم الغرزة الثانية التي تركناها نعمل فيها أيضاً غرزة بريد خلفي ثم نترك اثنان من الغرز التي تقابلنا وعند الغرزة التي ستقابلنا بعدهم نعمل فيها غرزة بريد امامي وفي الغرزة التي بجانبها نعمل فيها غرزة بريد أمامي أيضاً ثم نعود الى الغرز التي تركناها عند أول غرزة منهم نعمل فيها غرزة بريد أمامي وفي الثانية نعمل غرزة بريد أمامي أيضاً ونكمل 8  غرز التي سيقابلونا بنفس الطريقة نترك غرزتان ثم في الغرزتان اللتان بجانبهم نعمل فيهم غرز بريد أمامي ونعود اللى الغرزتان السابقتين ونعمل فيهم كما عملنا في البداية بعد ذلك سيتبقى لدينا 6 غرز عند اول غرزتان نعمل في كل واحدة غرزة بريد أمامي ثم ثاني غرزتان نعمل في كل واحدة غرزة بريد خلفي ثم في أخر غرزتان من ال6 غرز نعمل في كل واحدة غرزة بريد أمامي وعند الغرزة الأخيرة بعد ال6 غرز نعمل فيها غرزة نصف عمود ثم نلف السكارف ونعمل اثنان غرزة سلسلة  ونبدأ الصف العاشر .

-        - الصف العاشر :-

عند أول غرزتين نعمل في كل غرزة منهم غرزة بريد خلفي وعند الغرزة الثالثة والرابعة نعمل في كل غرزة منهم غرزة بريد أمامي وعند الغرزة الخامسة والسادسة نعمل في كل غرزة منهم غرزة بريد خلفي بعد ذلك عند كل غرزة تقابلنا نعمل فيها غرزة عمود بلفة كما موضح في الفيديو ( نلف الخيط على الابرة ومن خلف السكارف ندخل بالابرة من جانب أول غرزة ثم نخرج بالابرة من الجانب الأخر للغرزة ونسحب خيط ونخرج من الغرزة ونغلقها بالطريقة العادية لغرزة العمود بلفة ، نكرر نفس الطريقة بحيث يكون اجمالي عدد غرز العمود بلفة 16 غرزة عمود بلفة ) ثم عند ال6 غرز الأواخر نبدأ بأول غرزتان منهم نعمل في كل واحدة منهم غرزة بريد أمامي ثم في الغرزتان الثالثة والرابعة نعمل في كل واحدة منهم غرزة بريد خلفي ثم في الغرزتان الخامسة والسادسة نعمل في كل واحدة منهم غرزة بريد أمامي وعند أخر غرزة في الصف العاشر نعمل فيها غرزة نصف عمود ثم نلف السكارف ونعمل غرزتين سلسلة ونبدأ الصف الحادي عشر .

-   - الصف الحادي عشر :-

عند أول غرزتين من ال6 غرز الأوائل نعمل في كل غرزة منهم غرزة بريد أمامي وعند الغرزتان الثالثة والرابعة نعمل في كل غرزة منهم غرزة بريد خلفي ثم الغرزتان الخامسة والسادسة نعمل في كلً منهم غرزة بريد أمامي ثم نترك اثنان من الغرز التي تقابلنا وعند الغرزة التي ستقابلنا بعدهم نعمل فيها غرزة بريد امامي وفي الغرزة التي بجانبها نعمل فيها غرزة بريد أمامي أيضاً ثم نعود الى الغرز التي تركناها عند أول غرزة منهم نعمل فيها غرزة بريد أمامي وفي الثانية نعمل غرزة بريد أمامي أيضاً بعد ذلك نترك اثنان من الغرز التي ستقابلنا ثم في الغرزة التي بعدهم نعمل فيها غرزة بريد أمامي ثم الغرزة التي بعدها نعمل فيها غرزة بريد أمامي أيضاً ثم نعود اللي الغرز السابقة نقوم بعمل في أول غرزة تركناها نعمل فيها غرزة بريد خلفي ثم الغرزة الثانية التي تركناها نعمل فيها أيضاً غرزة بريد خلفي ونكمل 8  غرز التي سيقابلونا بنفس الطريقة نترك غرزتان ثم في الغرزتان اللتان بجانبهم نعمل فيهم غرز بريد أمامي ونعود اللى الغرزتان السابقتين ونعمل فيهم كما عملنا في البداية بعد ذلك سيتبقى لدينا 6  غرز عند اول غرزتان نعمل في كل واحدة غرزة بريد خلفي ثم في الغرزتان الثالثة والرابعة نعمل في كل واحدة منهم غرزة بريد أمامي ثم في الغرزتان الخامسة والسادسة نعمل في كل واحدة منهم غرزة بريد خلفي وعند أخر غرزة في الصف العاشر نعمل فيها غرزة نصف عمود ثم نلف السكارف ونعمل غرزتين سلسلة ونبدأ الصف الثاني عشر .

-  - الصف الثاني عشر :-

عند أول غرزتين نعمل في كل غرزة منهم غرزة بريد أمامي وعند الغرزة الثالثة والرابعة نعمل في كل غرزة منهم غرزة بريد خلفي وعند الغرزة الخامسة والسادسة نعمل في كل غرزة منهم غرزة بريد أمامي بعد ذلك عند كل غرزة تقابلنا نعمل فيها غرزة عمود بلفة كما موضح في الفيديو ( نلف الخيط على الابرة ومن خلف السكارف ندخل بالابرة من جانب أول غرزة ثم نخرج بالابرة من الجانب الأخر للغرزة ونسحب خيط ونخرج من الغرزة ونغلقها بالطريقة العادية لغرزة العمود بلفة ، نكرر نفس الطريقة بحيث يكون اجمالي عدد غرز العمود بلفة 16  غرزة عمود بلفة ) ثم عند ال6 غرز الأواخر نبدأ بأول غرزتان منهم نعمل في كل واحدة منهم غرزة بريد خلفي ثم في الغرزتان الثالثة والرابعة نعمل في كل واحدة منهم غرزة بريد أمامي ثم في الغرزتان الخامسة والسادسة نعمل في كل واحدة منهم غرزة بريد خلفي وعند أخر غرزة في الصف الثاني عشر نعمل فيها غرزة نصف عمود ثم نلف السكارف ونعمل غرزتين سلسلة ثم نكرر في الصف الثالث عشر ما فعلناه في الصف التاسع تماماً ثم نكرر في الصف الرابع عشر ما فعلناه في الصف العاشر ثم في الصف الخامس عشر ما فعلناه في الصف الحادي عشر ثم نكرر في الصف السادس عشر ما فعلناه في الصف الثاني عشر وهكذا نستمر في تكرار الصفوف رقم 9 – 10 – 11 – 12 حتى نصل للطول الذي نريده للسكارف ثم عند الوصول للطول المطلوب نبدا في تكرار الصف الثاني سبع مرات حتى يصبح لدينا نفس الشكل في نهاية السكارف مثل الشكل الذي كان في البداية وهكذا نكون أنهينا العمل فيه نسحب جزء من الخيط ونقص الزائد ثم نخفي الخيوط الزائدة وهكذا يكون السكارف جاهزاً للارتداء .

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

تجربتي في الشراء من موقع هومزمارت وأستخدمت كود خصم من موقع yajny

 

 

شهر نوفمبر معروف بإنه شهر العروض والخصومات الخاصة بنهاية العام أوBlack Friday

          ( white Friday ) علشان كده حبيت أشارك معاكم تجربتي في شراء الكرسي المعلق من موقع هومزمارت الموجود في الصورة بالأعلى وحبيت أشارك معاكم موقع خاص بأكواد الخصم وبيخدم أكثر من دولة مش بس مصر ، وهو موقع yajny هتلاقوا فيه أكواد خصم كتير لمختلف المواقع الإلكترونية في مختلف المجالات زي السفر ، الفنادق ، الأزياء ، المنزل وغيرها ... تقدروا تشوفوا وتسمعوا تجربتي من خلال الفيديو ⬇ بالأسفل هتلاقوا فيه كل التفاصيل أتمنى إني أفيدكم ولو بشئ بسيط 😊

رابط موقع هومز مارت : -

https://homzmart.com

رابط موقع Yajny :-

https://yajny.com/ar

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

طريقة عمل محشي الكوسة وورق العنب بالأرز واللحمة المفرومة

 

المقادير  :-

- 2 كيلو كوسة .

- ورق عنب .

- 8 حبات من الطماطم متوسطة الحجم معصورين .

- 3 حبات كبار من البصل مفرومين .

- 8 فصوص ثوم صغيرين مفرومين .

- نصف كيلو من اللحمة المفرومة .

- ربطة صغيرة من  ( الكزبرة / الشبت ) .

- ملعقة صغيرة سكر .

- ربع ملعقة صغيرة قرفة ناعمة .

- نصف ملعقة صغيرة من بهارات اللحمة .

- ملعقة صغيرة من الكمون .

- ملعقة صغيرة من البابريكا .

- ربع ملعقة صغيرة من الفلفل الأسود .

- ملح .

- 2 مكعب مرق .

- 1 كيلو أرز مصري .

- مرق لتسوية المحشي .

- زيت .

 

 التحضير :-

هنفرم الثوم ثم البصل كل نوع لوحده بعد كده على النار هنسخن زيت ذرة ونضيف عليها البصل المفروم هنقلب البصل ونسيبه لحد ما يذبل بعد كده هنضيف اللحمة المفرومة ونبدأ نفككها من بعضها وإحنا بنقلبها مع البصل نسيبها لحد ما اللون الوردي يتغير واللحمة تسمر شوية بعد كده هنضيف البهار 

( البابريكا / القرفة / الفلفل الأسود / بهار اللحمة ) ونقلبهم بشكل جيد مع اللحمة هنسيب اللحمة شوية على النار لحد ما تكون ناعمة تماماً ومفيهاش تكتلات بعد كده هنضيف الملح وعصير الطماطم والسكر على اللحمة ونقلبهم مع بعض هنسيب الطماطم تغلي وبعد كده هنضيف نصف كمية الخضرة المقطعة تقطيع متوسط 

( الكزبرة / الشبت ) والثوم ونقلبهم مع باقي المكونات ونسيبهم لحد ما الطماطم تستوي وتتسبك بعد كده نضيف الأرز والكمون  وباقي كمية الخضار المفروم ونقلب كل المكونات مع بعض بشكل جيد لحد ما المكونات تتداخل وتتجانس مع بعضها هنسيب المكونات على النار لمدة وبعد كده هنرفعها من على النار لحد ما تبرد وبعد كده نبدأ نحشي الكوسة وورق العنب وممكن كمان تحشوا بنفس الخلطة الفلفل الرومي بيبقى حلو كمان بالخلطة دي بعد ما نرص الكوسة في الحلة ( إناء الطهي ) ممكن نضيف على الوجه مكعب مرق بالنوع اللي تختاروه نفركه على كمية المحشي كلها على الوجه ونسقي المحشي بشوربة المرق سواء كانت دجاج أو بط أو لحمة هنضيف كمية من المرق تكفي لتسوية المحشي كذلك مع ورق العنب بس في ورق العنب ممكن بعد ما نملى الحلة لنصفها نفرك عليها مكعب مرق بشكل متساوي وبعدين نكمل رص باقي ورق العنب في الحلة ونسقيه بعد ما نخلص رص بكمية مناسبة من المرق لتسويته حاولوا وأنتم بتضيفوا المرق لورق العنب إنكم توزعوه في كل الاتجاهات وتحركوا الحلة وتهزوها شوية علشان المرق يتوغل لكل الطبقات ويستوي بشكل جيد ، وبألف هنا...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

أسرع بيتزا ممكن تعملوها بيتزا التوست بسيطة ولذيذة جداً 👌

 

المكونات والمقادير :-

- 7 شرائح من التوست .

  ( الكمية دي تكفي لفردين )

- 4 أصابع من النقانق .

  ( هوت دوج )

- بصلة صغيرة مفرومة .

- 3 بيضات .

- 3 ملاعق كبار حليب .

- فلفل أسود .

- ملح .

- كاتشب ⬇

 أو صوص بيتزا أو صوص باربيكيو حسب المتوفر .

- جبنة موزاريلا وشيدر .

طريقة التحضير :-

هنبدأ بالبصل المفروم نسخن طاسة فيها شوية زيت ونضع عليه البصل لو حابين تحمروا البصل شوية هنسيبه على النار ونقلب من وقت للأخر لحد ما يبدأ يأخذ لون ذهبي بعد كده هنضيف عليه النقانق ( تقطع أصابع النقانق لدوائر متوسطة الحجم ) هنقلب النقانق مع البصل ونسيبها لحد ماتحمر والبصل يبقى ذهبي أما لوحابين البصل يذبل فقط على النار من غير ما يأخذ لون يبقى تضيفوا النقانق مع البصل من البداية علشان النقان تحمر والبصل يفضل أبيض ، بعد كده هنجهز طبقة التوست البديلة لعجينة البيتزا هنقطع شرائح التوست لمكعبات متوسطة ومتساوية الحجم بعد كده هنجهز خليط البيض هنضيف عليه الحليب بيكون ممتاز مع البيض وبيشيل زفارة البيض ونضيف رشة فلفل أسود وملح ونخفق البيض جيداً بعد كده في طبق عميق نضيف التوست ونصب عليه البيض المخفوق ونقلب التوست مع البيض لحد ما التوست يتشرب البيض كله بعد كده هنجيب طاسة ونوزع عليها التوست بشكل جيد

 البيض هيخلي التوست يتماسك مع بعضه ولما يستوي على النار طبقة التوست هتبقى قرص متماسك بعد ما وزعنا طبقة التوست في الطاسة هنجيب أي صوص جاهز ممكن نستخدم الكاتشب كبديل لصوص البيتزا أو صوص الباربيكيو اللي أنا عن نفسي استخدمته في الوصفة وكان طعمه لذيذ جداً ، هنبدأ بفرشة نوزع الصوص على التوست وعلى أطراف التوست بعد كده هنضيف طبقة بسيطة من الجبنة وبعدها بنضيف النقانق والبصل ونرجع نضيف طبقة ثانية من الجبنة فوق حشوة البيتزا ( النقانق والبصل ) وممكن نوزع شوية من الصوص اللي استخدمناه قبل كده نوزعه على الجبنة من فوق بيدي طعم أقوى وأحلى للبيتزا ، بعد كده هنضع الطاسة على النار على درجة حرارة منخفضة ونغطي عليها علشان تسخن من فوق والجبنة تسيح ، لازم تخلوا بالكم لأنها مش هتحتاج وقت كبير على النار مجرد ما طبقة التوست تحمر من تحت والجبنة تسيح إرفعوها على طول علشان البيض ما بيستحملش وممكن التوست يغمق أكثر ، وبكده تكونوا حضرتوا أسرع وأسهل بيتزا بطعم لذيذ جداً وطرية جداً جداً وكمان أطراف التوست بتبقى مقرمشة ولذيذة ، وممكن تعملوها بحشوات مختلفة زي اللحمة المعصجة أو شرائح الدجاج أو بالتونة تقدروا تعملوها بحشوات مختلفة وتبدعوا ، وبألف هنا...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .

طريقة عمل صوص الباربيكيو + صدور دجاج و خضار مشوي + مكرونة بصوص الطماطم والكريمة 👌

 

مكونات ومقادير صوص الباربيكيو :-

- كوب إلا ربع من الكاتشب 

  مخفف بربع كوب ماء .

- ربع كوب من الخل الأبيض أو خل التفاح وممكن تستخدموا 

  كمية أقل من الخل حسب الرغبة .

- 2 ملعقة كبيرة من العسل الأسود .

- ملعقة كبيرة من المستردة .

- ربع كوب من السكر البني .

- ملعقة صغيرة من الملح .

- نصف ملعقة صغيرة من( الكمون/ ثوم بودر/ كركم/  بابريكا ) 

- ربع ملعقة صغيرة من الفلفل الأسود .

طريقة تحضير صوص الباربيكيو:-

هنخلط كل المكونات اللي ذكرتها ونقلبهم في البداية على البارد بعد كده 

هنضعهم على نار متوسطة هنسيب المكونات لحد الغليان ونقلب 

فيهم كويس جداً علشان المكونات تندمج وتذوب تماماً هنسيب الصوص على 

النار يغلي مرتين ثلاثة فقط هنلاحظ إن لونه أصبح غامق 

وقوامه أصبح أثقل زي الصوص الجاهز بعد كده هنرفعه من على النار ونسيبه 

لحد ما يبرد تماما ًعلشان نقدرنتبل بيه الدجاج .

طريقة تحضير الدجاج المشوي:-

هنحتاج صدور دجاج الكمية حسب الرغبة تكون مقطعة

 قطع متوسطة الحجم من حيث السمك وتكون القطع

 بالطول زي البانيه بس تكون أتخن شوية في السمك 

علشان تستحمل الشوي وتكون طرية مش ناشفة وفي نفس

 الوقت تستوي بسرعة، هنتبل صدور الدجاج بصوص

 الباربيكيو بنأخذ ملعقتين من الصوص ونضعهم في الطبق

 اللي هنتبل فيه ونبدأ نضيف صدور الدجاج قطعة قطعة 

كل ما نحس إن الصوص بيقل نضيف كمية بالملعقة ونتبل

 باقي قطع صدور الدجاج كويس من الجهتين ونخليهم

 مفرودين في الطبق وبعد كده نقدر نحفظهم في الثلاجة

 لثاني يوم ، عند بدء الشوي لازم نسخن الشواية أو الطاسة 

على النار كويس جداً والزيت يكون سخن بعد كده

 نضع قطع الدجاج ، السخونة مطلوبة علشان الفراخ تفضل

 محتفظة بعصارتها متنزلهاش وتبقى ناشفة السخونة

 بتخافظ عليها علشان تفضل طرية وتستوي بسرعة 

 هنشوي الصدور من الجهتين ولما يأخذوا اللون المطلوب

 ويستوا نرفعهم من على النار ، ونقدر نقدم معاهم باقي

 الصوص علشان نغمس بيه أو نضيف منه على الأكل أو

 تحتفظوا بيه في علبة محكمة الغلق وتضيفوا شوية

 زيت طعام على الوجه وتتركوه في الثلاجة لحين

 إستخدامه مرة أخرى أو في الفريزر لو حابين 

 تحتفظوا بيه وقت أطول .

طريقة شوي الخضار المشكل :-

تقدروا تستخدموا الخضار اللي بتحبوه أنا إستخدمت في الوصفةدي الفاصوليا 

والجزر والكوسة والبطاطس تقدروا تستخدموا كمان الباذنجان وأعواد الذرة 

الصفراء ، كل اللي هتعملوه هتغسلوا الخضار كويس جداً وتنقعوه

 في ماء وخل لدقائق وتصفوه كويس بعد كده نقشر الجزر والبطاطس ونشيل 

من الكوسة الجزء اللي فوق والجزء الأصفر اللي بيكون موجود فيها من تحت 

والفاصوليا بنشيل بس مكان العنقود من فوق وتحت ونسيبها زي ماهيه

بنفس الطول دون تقطيع أما باقي الخضار ممكن نقطعه مكعبات أو أصابع 

متوسطة الحجم علشان تستوي بشكل أسهل ، هنشويهم عادي على الجريل أو 

الطاسة هنضيف مكعب زبدة مع شوية زيت ونسخنهم بعد كده هنضيف

 الخضار ونقلب فيه لحد ما يستوي ، الفاصوليا والجزر ما بيأخذوش وقت كبير 

زي البطاطس كمان الكوسةبتستوي أسرع من البطاطس فممكن تخلوا كل نوع 

لوحده أو تشوا الخضار كله مع بعض وكل ما نوع منهم يستوي ترفعوه من على 

النار .

مكونات ومقادير المكرونة

 بصوص الطماطم والكريمة :-

- 800 جرام من المكرونة القلم

  المسلوقة نصف تسوية .

- حبة بصل واحدة كبيرة

  الحجم مفرومةناعم .

- 4 فصوص ثوم مفرومين .

- 6 حبات من الطماطم متوسطة الحجم ومعصورة .

- نصف ملعقة صغيرة من الملح .

- ربع ملعقة صغيرة من الفلفل  الأسود .

- نصف ملعقة صغيرة من   الكمون .

- ملعقة صغيرة من الزعتر الجاف .

- ملعقة صغيرة من السكر .

- كوب من كريمة الطبخ أو  أكثر حسب إحتياج الطبخة .

- زيت ذرة .

- زبدة حسب الرغبة .

طريقة تحضير المكرونة :-

هنسخن زيت وزبدة على النار ونبدأ بإضافة الثوم والبصل هنقلبهم على النار 

لحد ما البصل يذبل بعد كده هنضيف عصير الطماطم ونضيف البهارات ( الملح 

/ الفلفل / الكمون / الزعتر / السكر ) نقلبهم مع بعض ونسيبهم على النار لحد ما 

الطماطم تبدأ تتقل وتفقد الماء اللي فيها بعد كده هنضيف الكريمة على صوص

 الطماطم ونقلب لحد ما نلاقي إن لون الطماطم أصبح أفتح وأخذ لون 

وردي فاتح تقدروا تضيفوا كمية من الكريمة لحد ما تحصلوا على اللون 

المطلوب بعد كده هنسيب الصوص يغلي غلوتين وبعدها نبدأ نضيف المكرونة 

بالتدريج ونقلب بهدوء لحد ما المكرونةتتشبع من الصوص وممكن تضيفوا جبنة 

النوع اللي تفضلوه مع المكرونة أو عند التقديم ، وبألف هنا...

فيديو فيه طريقة الوصفة 

بشكل أوضح ⬇

لو بتقرأوا الموضوع ده من 

على الموبايل والفيديو مش 

ظاهر تقدروا تضغطوا على 

جملة ( عرض إصدار الويب ) 

الموجودة أسفل

 المدونة هيظهر الفيديو في 

نهاية الموضوع .